Tripti Dimri: సందీప్ వంగా దర్శకత్వంలో తెరకెక్కించిన బ్లాక్ బస్టర్ పాన్ ఇండియా హిట్ ‘యానిమల్’ సినిమాతో ఓవర్ నైట్ స్టార్ అయిపోయింది త్రిప్తి డిమ్రి(Tripti Dimri). బాలీవుడ్ చాక్లెట్ బాయ్ రణ్ బీర్ కపూర్ తో ఇంటెన్సివ్ సీన్ లో నటించి యూత్‌ కి ఫేవరెట్‌ క్రష్ అయిపోయింది. తన అందంతో కుర్రకారును కట్టిపడేసిన ఈ బ్యూటీ… ఒక్క వారం రోజుల వ్యవధిలో ముప్పై లక్షలకు పైగా ఇన్ స్టా ఫాలోవర్స్ ను సంపాదించి పాన్ ఇండియా హీరోయిన్ గా మారింది. సింపుల్ గా చెప్పాలంటే ఒక్క సినిమాతో తన జీవితమే మారిపోయిందని చెప్పవచ్చు. దీనితో యానిమల్ సినిమా తరువాత ఆమెకు అవకాశాలు క్యూ కట్టేశాయ్‌. ఈ నేపథ్యంలో ముంబైలో కొత్త ఇంటిని కొనుగోలు చేసి గృహప్రవేశం కూడా చేసింది.
Tripti Dimri Movie Updates
యానిమల్ సినిమాతో నేషనల్ క్రష్ గా మారిన త్రిప్తి డిమ్రి… ప్రస్తుతం బాలీవుడ్ స్టార్ హీరో విక్కీ కౌశల్‌ తో కలిసి ‘బ్యాడ్ న్యూజ్‌’ సినిమాలో నటిస్తోంది. ధర్మా ప్రొడక్షన్స్‌, లియో మీడియా కలక్టివ్‌ సంయుక్తంగా నిర్మిస్తోన్న ఈ కామెడీ ఎంటర్‌టైనర్‌ ని ఆనంద్‌ తివారీ తెరకెక్కిస్తున్నారు. అమీ విర్క్‌ ఇందులో మరో ప్రధాన పాత్రలో నటిస్తున్నారు. వాస్తవిక సంఘటనల ఆధారంగా తెరకెక్కిస్తున్న ఈ సినిమా ఇప్పటికే షూటింగ్ పూర్తి చేసుకుని రిలీజ్ కు సిద్ధంగా ఉంది. ఈ నేపథ్యంలో తాజాగా ఈ సినిమా ట్రైలర్ ను మేకర్స్ విడుదల చేశారు. తాజాగా విడుదలైన ట్రైలర్ యూట్యూబ్‌లో ట్రెండింగ్‌లో కొనసాగుతుంది. ట్రైలర్ విడుదలైన 24 గంటల్లోనే 3 మిలియన్ల వ్యూస్‌తో దూసుకుపోతుంది. ఈ ట్రైలర్ యూ ట్యూబ్ లో ట్రెండింగ్ కావడానికి హీరోయిన త్రిప్తి డిమ్రి కూడా ఓ కారణంగా తెలుస్తోంది. ఎందుకంటే ఈ ట్రైలర్ లో ఆమె మరోసారి అందాలను ఆరబోయడమే కాకుండా… నెటిజన్ల నుండి ఆల్ ది బెస్ట్ కామెంట్స్ కూడా ఎక్కువ రాబట్టుకుంటోంది. ఈ సినిమా జులై 19న సినిమా విడుదల కానుంది.
Also Read : Srinidhi Shetty: రానా సరసన ఛాన్స్ కొట్టేసిన కేజీఎఫ్ బ్యూటీ ?