Tripti Dimri: ఒక్క హిట్ తో రెమ్యునరేషన్‌ డబుల్ చేసిన ‘యానిమల్‌’ బ్యూటీ ?

Tripti Dimri: క‌వ్వించే అందం… వేడెక్కించే వ‌ల‌పు ఉంటే సినిమా ఇండ‌స్ట్రీలో రాణించ‌డం క‌ష్ట‌మేమీ కాదు. అదృష్టం కోసం కొన్నాళ్లు వెయిట్ చేయాలేమో కానీ… ఒక్కసారి అది తలుపుతట్టిందంటే ఓవర్ నైట్ స్టార్ అయిపోతారు. అలాంటి అవకాశాన్ని చేజిక్కించుకుంది ‘యానిమల్‌’ సినిమాలో నటించిన తృప్తి డిమ్రీ. సందీప్ రెడ్డి వంగా దర్శకత్వంలో తెరకెక్కించిన ‘యానిమల్‌’ సినిమాలో రణ్‌బీర్‌ కపూర్‌ తో ఇంటిమేట్‌ సీన్‌లో నటించి యూత్‌కు దగ్గరైంది త్రిప్తి.

Tripti Dimri Remuneration

స్ట్రైకింగ్ లుక్స్… కిల్లింగ్ యాటిట్యూడ్ తో కుర్ర‌కారు గుండెల్లోకి దూసుకుపోయిన ఈ బ్యూటీ ఏకంగా నేషనల్ క్రష్ గా మారిపోయింది. ‘యానిమల్‌’ విడుదల కాకముందే కేవలం ఐదు లక్షల ఇన్ స్టా ఫాలోవర్స్ కలిగిన ఈ బ్యూటీ… సినిమా రిలీజైన వారంలో 35 లక్షల ఫాలోవర్స్ కు పైగా సంపాదించింది. యానిమ‌ల్ సినిమాలో న‌టించినందుకు కేవ‌లం రూ. 40 ల‌క్ష‌లు మాత్ర‌మే పారితోష‌కం తీసుకున్న ఈ బ్యూటీ… ఆ సినిమాతో సంపాదించిన క్రేజ్ తో రెమ్యునరేషన్ ను ఏకంగా డబుల్, ట్రిపుల్ చేసిందని టాక్.

త్రిప్తి డిమ్రీ ఇమేజ్, రెమ్యూనరేషన్ ‘యానిమల్‌’ సినిమాకు ముందు… తరువాత అన్న రేంజ్ లో మారిపోయింది. ‘యానిమల్‌’ సినిమాకు కేవలం రూ. 40 ల‌క్ష‌లు మాత్ర‌మే పారితోష‌కం తీసుకున్న త్రిప్తి… ఇప్పుడు తన నెక్ష్ట్ ప్రాజెక్టుల కోసం కోట్లలో అడ్వాన్స్ తీసుకుంటుంది. ఇప్ప‌టికే నాలుగైదు చిత్రాల‌కు క‌మిటైన ఈ బ్యూటీ, వాణిజ్య ప్ర‌క‌ట‌న‌ల ఆదాయం కూడా అమాంతంగా పెంచుకుంది. తాజాగా ఆమె ‘భూల్ భుల‌యా’ సినిమాలో స్పెష‌ల్ రోల్‌ లో నటిస్తున్నందుకు ఆమె కోటి రూపాయ‌లు రెమ్యునరేషన్‌గా తీసుకుంటుందట. ఈ సినిమా హిట్‌ అయితే త్రిప్తి డుమ్రి మరో కోటి పెంచడం ఖాయమని బీ టౌన్ వర్గాల సమాచారం.

మరోవైపు మేరే మెహబూబ్‌ మేరే సనమ్‌, విక్కీ విద్యా కా వో వాలా వీడియో సినిమాలతో బిజీగా ఉన్నారు త్రిప్తి(Tripti Dimri). తెలుగులోనూ ఆమెకు వరుస అవకాశాలు వస్తున్నట్లు తెలుస్తోంది. విజయ్‌ దేవరకొండ – గౌతమ్‌ తిన్ననూరిల స్పై థ్రిల్లర్‌లో త్రిప్తి నటించనున్నట్లు తెలుస్తోంది. రవితేజ హీరోగా అనిల్ రావిపూడి తెరకెక్కించనున్న చిత్రంలోనూ ఆమెను ఎంపిక చేసినట్లు టాక్. త‌దుప‌రి సందీప్ వంగా- ప్ర‌భాస్ కాంబో మూవీ స్పిరిట్ లోను ఈ భామ న‌టించే అవ‌కాశం ఉంది. దీనితో ఆయా సినిమాలు ప్రారంభం అయ్యేసరికి త్రిప్తి రెమ్యునరేషన్… రెండు, మూడు కోట్లు లేదా అంతకంటే ఎక్కువ కూడా కావోచ్చని టాక్. ఏది ఏమైనా ఒక్క హిట్ తో ఓవర్ నైట్ స్టార్ అయిపోవడంతో పాటు రెమ్యునరేషన్ కూడా డబుల్, ట్రిపుల్ చేసుకునే అవకాశం దక్కించుకుంది ఈ యానిమల్ బ్యూటీ.

Also Read : Kubera Movie : శేఖర్ కమ్ముల ‘కుబేర’ సినిమా నుంచి సరికొత్త అప్డేట్