Adivi Sesh : టాలీవుడ్‌కి హీరోయిన్ల కొరత కొత్తేమీ కాదు. అగ్ర హీరోలతో పాటు యువ హీరోలకు ఇదే సమస్య. సీనియర్‌ హీరోయిన్‌లతోపాటు యంగ్‌ హీరోయిన్లు ఓ డజను మంది ఉన్నప్పటికీ కాంబినేషన్‌ లేదా ఇతర సమస్యలతో ఓ పట్టాన సెట్‌ కావట్లేదు. సీనియర్‌ హీరోల సరసన నటించడానికి యంగ్‌ హీరోయిన్లు అంగీకరించట్లేదనే టాక్‌ ఉంది. అయితే యంగ్‌ హీరోలకు సైతం ఇదే సమస్య. ఇలాంటి సమస్యను యంగ్‌ హీరో అడివి శేష్(Adivi Sesh) ఎదుర్కొంటున్నాడు. తాజా సమాచారం ప్రకారం ఆయన సినిమాలకు ఇద్దరు హీరోయిన్లు కావలెను.
Adivi Sesh..
‘మేజర్‌’, ‘హిట్‌–2’ చిత్రాల సక్సెస్ తర్వాత ఆయన ఏడాది గ్యాప్‌ తీసుకున్నారు. ప్రస్తుతం రెండు చిత్రాలతో బిజీగా ఉన్నారు. ‘ గూఢచారి’ వంటి సూపర్‌ హిట్‌ సినిమాకు కొనసాగింపుగా జీ 2’ (G2)ప్రారంభించారు. ‘ క్షణం’, ‘గూఢచారి’ చిత్రాలకు సినిమాటోగ్రాఫర్‌గా పని చేసిన షానీల్‌ డియోను దర్శకుడిగా పరిచయం చేస్తూ ‘డకాయిట్‌’ సినిమాను తెరకెక్కిస్తున్నారు. ఇప్పుడు ఈ రెండు చిత్రాలకు హీరోయిన్లు కావాలి. అయితే మేజర్‌ సినిమా సక్సెస్‌తో శేష్‌కి నార్త్‌లో కూడా మంచి ఫాలోయింగ్‌ ఏర్పడింది. ఆ క్రేజ్‌తో అతని సినిమాలో యాక్ట్‌ చేయడానికి బనితా సందు ఎగ్జైట్‌ అయ్యింది. వరుణ్‌ ధావన్‌ సరసన ‘అక్టోబర్‌’ చిత్రంతో బాలీవుడ్‌కు పరిచయమైందీ బ్యూటీ. ఆ సినిమాతో మంచి పేరు తెచ్చుకుంది. తదుపరి విక్కీ కౌశల్‌ ‘సర్దార్‌ ఉధమ్‌’లో కూడా యాక్ట్‌ చేసింది. ఆ సమయంలో ఇచ్చిన ఓ ఇంటర్వ్యూలో శేష్(Adivi Sesh) సినిమాల్లో నటించాలనుందనే విషయాన్ని వెల్లడించింది.
‘ గూఢచారి 2’లో కీలక పాత్రకు ఎంపికైంది. అయితే ఇప్పుడు ఆమె ఆ చిత్రం నుంచి తప్పుకొందని టాక్‌ వినిపిస్తోంది. ఎందుకు ఈ సినిమా నుంచి బయటకు వెళ్లిందనే విషయం తెలియాల్సి ఉంది. ‘ గూఢచారి 2’ నుంచి బనితా సందు తప్పుకొన్న కొన్ని రోజులకే ‘డకాయిట్‌’ సినిమా నుంచి శృతి హాసన్‌ కూడా ఎగ్జిట్‌ అయింది. గత వారం రోజులుగా ఈ వార్త నెట్టింట హల్‌చల్‌ చేస్తోంది. ‘డకాయిట్‌’కు కాల్షీట్‌ సర్దుబాటు కాక శృతి హాసన్‌ తప్పుకొన్నారని యూనిట్‌ మెంబర్స్‌ నుంచి లీక్స్‌ వస్తున్నాయి. కానీ, అసలు విషయం వేరని ఇండస్ట్రీలో టాక్‌ వినిపిస్తోంది. క్రియేటివ్‌ ఇష్యూస్‌ కూడా ఉన్నాయని తెలుస్తోంది. దర్శకుడు విహారంలో ఉండగా పలు సన్నివేశాలను శేష్ డైరెక్ట్‌ చేసే ప్రయత్నం చేశాడని, అది నచ్చకే శ్రుతీహాసన్‌ ఈ ప్రాజెక్ట్‌ నుంచి తప్పుకొందని మరో టాక్‌ నడుస్తోంది. ఇందులో నిజమెంత అనేది మేకర్స్‌ నోరు విప్పితే తప్ప తెలీదు.
‘గూఢచారి 2’, ‘డకాయిట్‌’ చిత్రాల షూటింగ్‌ ఇప్పటికే మొదలైంది. కీలక ఘట్టాల చిత్రీకరణ పూర్తయింది. ‘ గూఢచారి 2’ సెట్స్‌లో బాలీవుడ్‌ నటుడు ఇమ్రాన్‌ హష్మీకి గాయాలు అయ్యాయి. ప్రస్తుతం హీరోయిన్‌ లేని సన్నివేశాలను, అడివి శేష్(Adivi Sesh)తోపాటు మిగతా తారాగణంపై తెరకెక్కిసున్నారు. ఆ షెడ్యూల్‌ పూర్తయ్యాక కంప్లీట్‌ అయ్యాక హీరోయిన్‌ కావాలి. అలాగే ‘డకాయిట్‌’కి సినిమాకు కూడా హీరోయిన్‌ హంటింగ్‌ జరుగుతోంది. ప్రస్తుతానికి ఎవరూ సెట్‌ కాలేదు. శేష్ సినిమా అంటే కొంత మంది నటీమణులు ఇంట్రెస్ట్‌ చూపించడం లేదని గుసగుసలు వినిపిస్తున్నాయి. ఏదేమైన ఇద్దరు హీరోయిన్లు వరుసగా శేష్ సినిమాల నుంచి తప్పుకోవడంతో ‘శేష్‌కే ఎందుకిలా’ అని సోషల్‌ మీడియాలో చర్చ మొదలైంది. అసలు సమస్య ఏంటి అని ఆరాలు తీస్తున్నారని తెలుస్తోంది.
Also Read : Salman Khan-Bishnoi : గ్యాంగ్ స్టార్స్ బెదిరింపులకు కోట్లు ఖర్చుపెట్టి బులెట్ ప్రూఫ్ కార్ కొన్న సల్మాన్