Thalapathy Vijay: కోలీవుడ్ స్టార్ హీరో విజయ్, మీనాక్షి చౌదరి ప్రధాన పాత్రలో తెరకెక్కిస్తున్న సైన్స్‌ ఫిక్షన్‌ యాక్షన్‌ థ్రిల్లర్‌ ‘గోట్’(ది గ్రేటెస్ట్‌ ఆఫ్ ఆల్‌ టైమ్‌). ప్రముఖ దర్శకుడు వెంకట్‌ ప్రభు దర్శకత్వంలో తెరకెక్కిస్తున్న ఈ సినిమాలో త్రిష ఓ పాటతో పాటు కీలక పాత్రలో నటిస్తోంది. స్నేహ, లైలా, ప్రశాంత్‌, ప్రభుదేవా తదితరులు కీలక పాత్రలు పోషిస్తున్నారు. సైన్స్‌ ఫిక్షన్‌ యాక్షన్‌ థ్రిల్లర్‌ గా తెరకెక్కిస్తున్న ఈ సినిమా కోసం ‘అవతార్‌’, ‘అవెంజర్స్‌’లాంటి హాలీవుడ్‌ బ్లాక్‌బస్టర్‌కి విజువల్‌ ఎఫెక్ట్స్‌ అందించిన సాంకేతిక నిపుణులు పనిచేస్తున్నారు. ఈ సినిమాలో గ్రాఫిక్స్‌కి అత్యధిక ప్రాధాన్యం ఉండటంతో పాటు హీరో విజయ్ కోసం ప్రత్యేకంగా ‘డీ-ఏజింగ్‌ టెక్నాలజీ’ వాడినట్లు సమాచారం. భారీ బడ్జెట్‌ తో ముస్తాబవుతున్న ఈ సినిమాపై ఇప్పటికే కోలీవుడ్ తో పాటు పాన్ ఇండియా రేంజ్ లో అంచనాలు ఉన్నాయి.
Thalapathy Vijay Movie Updates
ఈ సినిమా పూర్తయిన వెంటనే విజయ్(Thalapathy Vijay) తన రాజకీయ పార్టీ కార్యక్రమాల్లో బిజీగా మారే అవకాశం ఉండటంతో… గోట్ సినిమా విడుదలపై సర్వత్రా ఆశక్తి నెలకొంది. ఇప్పటికే ఈ సినిమాకు సంబంధించి విడుదలైన పోస్టర్, ఫస్ట్ లుక్ టీజర్ కు ప్రేక్షకుల నుండి విశేషమైన స్పందన వచ్చింది. ఈ నేపథ్యంలో ఈ సినిమాకి సంబంధించి క్రేజీ అప్‌డేట్‌ ఇచ్చారు మేకర్స్. ఈ మూవీ నుంచి స్పార్క్ అనే లిరికల్ సాంగ్‌ను మేకర్స్ రిలీజ్ చేశారు. యువన్‌ శంకర్‌ రాజా సంగీతం అందించిన ఈ సినిమాకు సంబంధించిన స్పార్క్ లిరికల్ సాంగ్ ప్రస్తుతం సోషల్ మీడియాలో వైరల్ గా మారుతోంది. ప్రస్తుతం షూటింగ్ శరవేగంగా జరుగుతోన్న ఈ చిత్రం సెప్టెంబరు 5న ప్రేక్షకుల ముందుకు రానుంది.
Also Read : Yamini Krishnamurthy: ప్రముఖ నృత్యకారిణి యామినీ కృష్ణమూర్తి శివైక్యం !