Sudheer Babu: యంగ్ హీరో సుధీర్ బాబు, మాళవిక శర్మ ప్రధాన పాత్రలో జ్ఞానసాగర్‌ ద్వారక దర్శకత్వంలో తెరకెక్కిస్తున్న సినిమా ‘హరోం హర’. స్‌ఎస్‌సి (శ్రీ సుబ్రహ్మణ్యేశ్వర సినిమాస్) బ్యానర్‌పై సుమంత్‌ జి.నాయుడు నిర్మాతగా వ్యవహరిస్తున్న ఈ సినిమాలో సునీల్‌ ముఖ్య పాత్ర పోషించారు. ఈ సినిమాని ప్రముఖ నటుడు కృష్ణ జయంతి సందర్భంగా మే 31న విడుదల చేయనున్నారు. ఈ విషయాన్ని చిత్ర బృందం శనివారం ప్రకటించింది. ఈ మేరకు ఓ కొత్త పోస్టర్ ను సామాజిక మాధ్యమాల్లో పంచుకుంది. అందులో సుధీర్ వేలాయుధం పట్టుకొని నిలబడి ఉండగా… తన వెనకున్న జనం గౌరవంతో చేతులెత్తి నమస్కరించడం కనిపించింది. 1989 నాటి చిత్తూరు జిల్లా కుప్పం నేపథ్యంలో సాగే చిత్రమిది. ఇందులో సుధీర్ కుప్పం యాసలో సంభాషణలు చెప్పనున్నారు. ప్రస్తుతం పోస్ట్ ప్రోడక్షన్ పనులు జరుపుకుంటున్న ఈ సినిమాకి చైతన్‌ భరద్వాజ్‌ సంగీతమందిస్తుండగా.. అరవింద్‌ విశ్వనాథన్‌ ఛాయాగ్రాహకుడిగా వ్యవహరించారు.
Sudheer Babu Movie Updates
సుధీర్ బాబుకు(Sudheer Babu) కృష్ణ అంటే చాలా అభిమానం. ఇదే విషయాన్ని ఆయన పలుమార్లు వెల్లడించడం కూడా జరిగింది. ఈ నేపథ్యంలో తన మామ కృష్ణ జయంతి సందర్భంగా ఈ సినిమాను విడుదల చేస్తున్నట్లు సమాచారం. హిట్స్ ప్లాప్స్ అని తేడా లేకుండా వరుసపెట్టి సినిమాలు చేసుకుంటూ పోతున్నాడు సుధీర్ బాబు. గతేదాడి మామా మశ్చీంద్ర సినిమాతో ప్రేక్షకులు ముందుకు వచ్చాడు సుధీర్ బాబు. ఇందులో మూడు డిఫరెంట్ రోల్స్‌ లో త్రిపాత్రాభినయం చేసి అలరించాడు సుధీర్ బాబు. ఈ సినిమాకు నటుడు హర్ష వర్ధన్ దర్శకత్వం వహించారు. ఏ మాయ చేశావే సినిమాలో గెస్ట్ అప్పిరీయన్స్ ఇచ్చిన సుధీర్ బాబు శివ మనసులో శృతి (ఎస్ఎమ్‌ఎస్) సినిమాతో హీరోగా కెరీర్ స్టార్ట్ చేశాడు. ప్రేమకథా చిత్రంతో మంచి హిట్ అందుకున్నాడు. అనేకరకమైన ప్రయోగాత్మక చిత్రాలు చేసిన సుధీర్ బాబు హిందీలో భాగీ సినిమాతో విలన్‌గా సైతం ఆకట్టుకున్నాడు.
Also Read : Amrita Pandey: సినీ ఇండస్ట్రీలో విషాదం ! భోజ్ పురి నటి సూసైడ్ !