Indian 2: కమల్ హాసన్ ‘ఇండియన్ 2’ నుండి లిరికల్ సాంగ్ రిలీజ్ !

Indian 2: స్టార్ డైరెక్టర్ శంకర్ దర్శకత్వంలో కమల్ హాసన్ నటించిన భారీ బడ్జెట్ చిత్రం ‘ఇండియన్ 2(Indian 2)’. సమకాలీన సామాజిక సమస్య లంచం ఇతివృత్తంగా సరిగ్గా 27 ఏళ్ళ క్రితం శంకర్ దర్శకత్వంలో వచ్చిన ‘ఇండియన్’ (తెలుగులో భారతీయుడు)కు సీక్వెల్ గా ఈ సినిమాను తెరెక్కిస్తున్నారు. లైకా ప్రొడక్షన్స్‌, రెడ్‌ జెయింట్‌ సంస్థలు సంయుక్తంగా నిర్మిస్తున్న ఈ పాన్ ఇండియా సినిమాలో కాజల్‌ కథానాయిక. సిద్ధార్థ్‌, రకుల్‌ ప్రీత్‌ సింగ్‌, ఎస్‌.జె.సూర్య తదితరులు కీలక పాత్రలు పోషిస్తున్నారు. జూలై 12 ప్రపంచ వ్యాప్తంగా విడుదల చేయడానికి సన్నాహాలు చేస్తున్న చిత్ర యూనిట్… జూన్ 1న చెన్నైలో పాటల విడుదల కార్యక్రమాన్ని నిర్వహించడానికి ఏర్పాట్లు చేస్తుంది. ఇప్పటికే ఈ సినిమా ప్రమోషన్లను షురూ చేసిన చిత్ర యూనిట్… బుధవారం ‘ఇండియన్ 2’ నుండి ఓ లిరికల్ సాంగ్ ను విడుదల చేసింది. ప్రస్తుతం ఈ పాట సోషల్ మీడియాలో వైరల్ గా మరుతోంది.

Indian 2 Movie Updates

ఇక పాట విషయానికి వస్తే… ‘‘శిరసెత్తే శిఖరం నువ్వే… నిప్పులు గక్కే ఖడ్గం నీదే… కసిరెక్కల గుర్రంపైన కదిలొచ్చే భూకంపం నువ్వే…’’ అంటూ భారతీయుడి పరాక్రమాన్ని చాటి చెప్తోంది. సుద్దాల అశోక్‌ తేజ రచించిన ఈ పాటను… అనిరుధ్‌ రవిచందర్‌ స్వరపరచగా, రితేశ్‌ జి.రావ్, శ్రుతికా సముద్రాల ఆలపించారు. ‘భూతల్లిపై ఒట్టేయ్‌… తెలుగోడి వాడి చూపెట్టేయ్‌… తెల్లోడి నెత్తురితోనే నీ కత్తికి పదునుపెట్టేయ్‌…’ అంటూ ఈ పాట సాగుతుంది.

స్టార్ డైరెక్టర్ శంకర్ దర్శకత్వంలో కమల్ హాసన్ డబుల్ యాక్షన్ లో 1996లో నిర్మించిన భారతీయుడు సినిమా వచ్చింది. అప్పట్లో ఈ సినిమా ఓ సన్సేషన్. స్వాతంత్ర సమరయోధుడిగా, అవినీతిని అన్యాయాన్ని వ్యతిరేకించే భారతీయుడిగా కమల్ హాసన్ నటన అద్భుతం. ఇక ఈ సినిమాతో శంకర్ తన సాంకేతిక పరిజ్ఞానాన్ని ప్రేక్షకులకు పరిచయం చేశారు. మనీషా కొయిరాల అందాలు ఎ.ఆర్.రెహమాన్ సంగీతం సినిమాకు మరో హైలైట్. వీరశేఖరన్ సేనాపతి గా కమల్ హాసన్ పోషించిన ఈ పాత్ర ప్రేక్షకుల గుండెల్లో నేటికీ చెదరని ముద్ర వేసింది. అందుకే ఇప్పుడీ వీరశేఖరన్ సేనాపతిని ఇండియన్-2(Indian 2) (తెలుగులో భారతీయుడు-2) గా మరోసారి ప్రేక్షకుల ముందుకు తీసుకురాబోతున్నదాడు దర్శకుడు శంకర్. అయితే ఈ సినిమాకు మ్యూజిక్ సన్సేషన్ అనిరుధ్ సంగీతం అందిస్తున్నారు. అదేవిదంగా రవివర్మన్ సినిమాటోగ్రఫీ అందించగా సుభాస్కరన్ సమర్పణలో లైకా ప్రొడక్షన్స్, రెడ్ జెయింట్ మూవీస్ సంస్థలు ఈ సినిమాను నిర్మిస్తున్నాయి.

Also Read : Prabhas: ఘనంగా ‘కల్కి 2898 AD’ టీజర్ రిలీజ్ ఈవెంట్ ! అదరగొట్టిన ప్రభాస్ ఎంట్రీ !