Seetha Kalyana Vaibhogame: సుమన్ తేజ్, గరీమ చౌహన్ హీరో హీరోయిన్లుగా రూపొందించిన చిత్రం ‘సీతా కళ్యాణ వైభోగమే’. డ్రీమ్ గేట్ ప్రొడక్షన్స్ పతాకంపై రాచాల యుగంధర్ నిర్మించిన ఈ సినిమాకు సతీష్ పరమవేద దర్శకత్వం వహించారు. ఇప్పటికే ఈ సినిమాకు సంబంధించి విడుదల చేసిన పాటలు, టీజర్, ట్రైలర్ కు మంచి స్పందన వచ్చింది. దీనితో ఈ సినిమాను జూన్ 21న భారీ విడుదల చేయడానికి చిత్ర యూనిట్ సన్నాహాలు చేస్తున్నారు.
Seetha Kalyana Vaibhogame Updates
ఈ క్రమంలో చిత్ర యూనిట్ తెలంగాణ సీఎం రేవంత్ రెడ్డి(CM Revanth Reddy)ని క‌లిసి చిత్ర టీజర్, ట్రైలర్‌ను చూపించారు చిత్ర యూనిట్. సీతా కళ్యాణ వైభోగమే ట్రైలర్‌ను వీక్షించిన ముఖ్యమంత్రి చిత్రయూనిట్‌ ను ప్రత్యేకంగా నిర్మాతను అభినందించారు. ట్రైలర్ మరియు పాటలు చాలా బాగున్నాయని సినిమా పెద్ద హిట్ అవ్వాలని, యూనిట్‌కు మంచి పేరు రావాలని అన్నారు. ముఖ్యమంత్రిని కలిసిన వారిలో వనపర్తి ఎమ్మెల్యే మేఘారెడ్డి, నిర్మాత రాచాల యుగంధర్, డైరెక్టర్ సతీష్, నీరూస్ ప్రతినిధి అసీమ్, నటీనటులు సుమన్ తేజ్, గరీమ చౌహాన్, గగన్ విహారి కెమెరామెన్ పరశురామ్ తదితరులు ఉన్నారు. మన నేటివిటీని, మన ఆచార, సంప్రదాయాలు, మన సంస్కృతిని చాటేలా, మన ఇతిహాసగాథలైన రామాయణం నుంచి ప్రేరణపొంది ‘సీతా కళ్యాణ వైభోగమే’ అనే సినిమాను సతీష్ పరమవేద తెరకెక్కించారు.
Also Read : Vijay Sethupathi : విజయ్ సేతుపతి పుష్ప 2 సినిమా ఆఫర్ రిజెక్ట్ చేశారా..?