Saripodha Sanivaram: హాయ్ నాన్న మూవీ తర్వాత నాని హీరోగా నటిస్తున్న పాన్‌ ఇండియా ఫిల్మ్‌ ‘సరిపోదా శనివారం’. వివేక్‌ ఆత్రేయ దర్శకత్వం వహిస్తున్న ఈ సినిమాలో ప్రియాంకా అరుల్‌ మోహన్‌ హీరోయిన్‌గా నటిస్తున్నారు. డీవీవీ ఎంటర్‌టైన్‌మెంట్‌ బ్యానర్‌పై డీవీవీ దానయ్య, కల్యాణ్‌ దాసరి నిర్మిస్తున్నారు. ఈ చిత్రంలో ఇంతకుముందెన్నడు చేయని పాత్రలో నాని కనిపించనున్నారు. దీంతో ఈ సినిమాపై అభిమానుల్లో భారీ అంచనాలు నెలకొన్నాయి.
Saripodha Sanivaram Movie Trailer…
తాజాగా ఈ మూవీ ట్రైలర్‌ను మేకర్స్ రిలీజ్‌ చేశారు. హైదరాబాద్‌ లోని సుదర్శన్ థియేటర్‌లో నిర్వహించిన ఈవెంట్‌ లో ట్రైలర్ విడుదల చేశారు. ట్రైలర్ చూస్తే నాని యాక్షన్‌ సీన్స్‌, ఎలివేషన్స్‌ అద్భుతంగా ఉన్నాయి. డిఫరెంట్‌ కాన్సెప్ట్‌ తో వస్తోన్న ఈ సినిమాలో నాని ఫ్యాన్స్‌కు మరోసారి ఫుల్ మాస్‌ యాక్షన్‌ ట్రీట్‌ ఇవ్వనున్నట్లు తెలుస్తోంది. ఈ మూవీలో ఎస్‌జే సూర్య పోలీస్‌ పాత్రలో అభిమానులను అలరించనున్నారు. కాగా.. ఇప్పటికే షూటింగ్‌ పూర్తి చేసుకున్నఈ చిత్రం తెలుగు, తమిళం, కన్నడ, మలయాళ, హిందీ భాషల్లో ఆగస్టు 29న ప్రపంచవ్యాప్తంగా రిలీజ్‌ కానుంది. ఈ సినిమాలో సాయికుమార్, ఎస్‌జే సూర్య కీలక పాత్రల్లో నటించారు. ఈ చిత్రానికి జేక్స్‌ బిజోయ్ సంగీతమందించారు.
ఈ సందర్భంగా నగరంలోని సుదర్శన్ థియేటర్‌ తో తనకున్న జ్ఞాపకాలను నెమరువేసుకున్నారు నటుడు నాని. సుదర్శన్ థియేటర్‌లో అభిమానుల సమక్షంలో నిర్వహించిన ‘సరిపోదా శనివారం(Saripodha Sanivaram)’ ట్రైలర్ లాంచ్‌ ఈవెంట్‌ లో నాని మాట్లాడుతూ.. ‘‘మనందరికీ ఈ థియేటర్‌ ఎంతో ప్రత్యేకం. నా ‘జెర్సీ’, ‘దసరా’ సినిమాలు నేను ఇక్కడే చూశా. నటుడిని కాకముందూ చాలా సినిమాలు చూశా. ఈ ‘సుదర్శన్’ నన్ను అప్పుడు మీలో ఒకడిలా చూసింది. ఇప్పుడు వేదికపై నిల్చొని మీ అందరి ముందు మాట్లాడుతుంటే చూస్తోంది. ‘సరిపోదా శనివారం(Saripodha Sanivaram)’ ట్రైలర్‌ను మీ అందరితో కలిసి సుదర్శన్ 35 ఎం.ఎం.లో చూడాలనుకున్న కోరిక నెరవేరింది. సినిమాని కూడా ఇక్కడే మీతో కలిసి చూడాలనుకుంటున్నా. పోస్ట్‌ ప్రొడక్షన్స్‌ పనుల కారణంగా వివేక్‌ రాలేకపోయాడు. మీరు ఇలానే నాపై ప్రేమ కురిపిస్తుంటే మీకు మంచి సినిమాలు అందించడానికి ఎంతైనా కష్టపడతా’’ అని పేర్కొన్నారు.
Also Read : Jr NTR : ఎన్టీఆర్ ఆరోగ్యంపై వస్తున్న వార్తలపై స్పందించిన ఎన్టీఆర్ టీమ్