Sandeep Kishan: యువ హీరో సందీప్ కిషన్(Sandeep Kishan), ట్యాలెంటెడ్ డైరెక్టర్ విఐ ఆనంద్ రెండవ సారి కలిసి చేస్తున్న ఫాంటసీ అడ్వెంచర్ ‘ఊరు పేరు భైరవకోన’. హాస్య మూవీస్ బ్యానర్‌పై రాజేష్ దండా నిర్మిస్తున్న ఈ సినిమాను ఎకె ఎంటర్‌టైన్‌మెంట్స్ బ్యానర్‌పై అనిల్ సుంకర సమర్పిస్తున్నారు. క్రేజీ, మోస్ట్ అవైటెడ్ చిత్రాలలో ఒకటిగా ఉన్న ఈ సినిమాను 2024లో ఫిబ్రవరి 9వ తేదీన విడుదల చేయబోతున్నట్లుగా మూవీ మేకర్స్ అధికారికంగా ప్రకటించారు.
ఈ సందర్భంగా మూవీ మేకర్స్ రిలీజ్ చేసిన డేట్ పోస్టర్‌లో సందీప్ కిషన్ మంత్రదండం పట్టుకుని కనిపించిన యాక్షన్ సీక్వెన్స్‌ సినిమాపై క్యూరియాసిటీని పెంచుంతోంది. రెండు నెలల్లో సినిమా రాబోతుండటంతో త్వరలో చిత్ర యూనిట్ ప్రమోషన్ ను ముమ్మరం చేసే అవకాశాలు కనిపిస్తున్నాయి. ఈ సినిమాకు సంబంధించి ఇప్పటికే విడుదలైన పాటలు మంచి స్పందనను రాబట్టుకోవడమే కాకుండా.. సినిమాపై భారీగా అంచనాలను పెంచేశాయి.
Sandeep Kishan Movies
ప్రస్తుతం ‘ఊరు పేరు భైరవకోన’ సినిమా హైదరాబాద్‌లో చివరి దశ షూటింగ్‌ను జరుపుకుంటోంది. ఇందులో సూపర్ నేచురల్ ఎలిమెంట్స్ వుండబోతున్నట్లుగా ఇప్పటికే విడుదలైన టీజర్ సినిమా ప్రిమైజ్‌ని అద్భుతంగా ప్రజెంట్ చేసింది. శేఖర్ చంద్ర సంగీతం అందిస్తున్న ఈ సినిమాలో వర్ష బొల్లమ్మ, కావ్యా థాపర్‌ హీరోయిన్లుగా నటించగా రాజ్‌ తోట సినిమాటోగ్రఫీ అందిస్తున్నారు.
Also Read : Hero Kalyan Ram: సెన్సార్ పూర్తి చేసుకున్న ‘డెవిల్’