Salman Khan: బాలీవుడ్ కండల వీరుడు సల్మాన్ ఖాన్ కెరీర్ లో హిట్ ఫ్రాంచైజీ ‘దబాంగ్‌’. చుల్ బుల్ పాండేగా సల్మాన్ పోలీసు అధికారి పాత్రలో నటించిన ‘దబాంగ్‌’ బాలీవుడ్ లో బ్లాక్ బస్టర్ గా నిలిచింది. అభినవ్ సింగ్ కాశ్యప్ దర్శకత్వంలో సల్మాన్ ఖాన్, సోనాక్షి సిన్హా, అర్భాజ్ ఖాన్ ప్రధాన పాత్రలో తెరకెక్కించిన ఈ సినిమాను అర్భాజ్ ఖాన్ ప్రోడక్షన్స్, శ్రీ అష్ట వినాయక్ సినీ విజన్ సంస్థలు సంయుక్తంగా నిర్మించాయి. ఈ సినిమాలో మలైక అరోరా నర్తించిన ఐటెం సాంగ్ మున్నీ బద్నాం తేరే… బాలీవుడ్ మోస్ట్ పాపులర్ సాంగ్ గా గుర్తింపు పొందింది. దీనితో తెలుగు, తమిళ, కన్నడ భాషల్లో ఈ సినిమాను రీమేక్ చేయడంతో పాటు పలు భారతీయ భాషల్లో డబ్బింగ్ అయిన హిట్ ఫ్రాంచైజీగా ‘దబాంగ్‌’ నిలిచిపోయింది. దీనితో ‘దబాంగ్‌’ కు కొనసాగింపుగా అర్భాజ్ ఖాన్ దర్శకత్వంలో ‘దబాంగ్‌ 2’, ప్రభుదేవా దర్శకత్వంలో ‘దబాంగ్‌ 3’ కూడా తెరకెక్కించారు.
Salman Khan Movie Updates
‘దబాంగ్‌’ ఫ్రాంచైజీలో చుల్ బుల్ పాండేగా సల్మాన్ ఖాన్(Salman Khan) నటనను అభిమానులు నేటికీ మర్చిపోలేరు. దీనితో ‘దబాంగ్‌ 4’ వస్తుందంటూ అప్పట్లో వార్తలు వచ్చాయి. దీనితో ఈ సినిమా కోసం ఎంతో ఆసక్తిగా ఎదురుచూస్తున్న అభిమానులకు సల్మాన్ ఖాన్ ఓ తీపి కబురు వినిపించారు. ఇటీవల ఓ ఛానెల్ కు ఇచ్చిన ఇంటర్య్వూలో పాల్గొన్న ఆయన… ‘‘అతి త్వరలో ‘దబాంగ్‌ 4’ రాబోతుంది. ప్రస్తుతం ఈ స్క్రిప్ట్‌ పనుల్లోనే నేను, అర్బాజ్‌ ఖాన్ ఉన్నాము. కానీ… ఇంకా దీనిపై ఎలాంటి నిర్ణయం తీసుకోలేదు. త్వరలోనే కథ సిద్ధం చేస్తామంటూ చెప్పుకొచ్చారు. దీనితో మరోసారి చుల్ బుల్ పాండే పాత్రలో సల్మాన్ చేసే హంగామా ను చూడటానికి మేం ఎదురుచూస్తున్నామంటూ నెటిజన్లు కామెంట్లు పెడుతున్నారు.
Also Read : Rashmika Mandanna: ఐదు భాషల్లో డబ్బింగ్ చెప్పిన నేషనల్ క్రష్ రష్మిక !