Ravi Teja: శ్రీ వెంకటేశ్వర క్రియేషన్స్ పతాకంపై అనిల్ రావిపూడి దర్శకత్వంలో రవితేజ, మెహరీన్, ప్రకాష్ రాజ్, రాధిక ప్రధాన పాత్రల్లో తెరకెక్కించిన సినిమా ‘రాజా ది గ్రేట్’. 2017లో విడుదలైన ఈ సినిమా లో రవితేజ అంధుడిగా నటించగా… అప్పట్లో ఈ సినిమా సూపర్ హిట్ గా నిలిచింది. దీనితో వీరిద్దరి కాంబినేషన్ లో మరో సినిమాను రవితేజ-అనిల్ రావిపూడి ప్రకటించారు. అయితే అటు రవితేజ, ఇటు అనిల్ రావిపూడి వరుస ప్రాజెక్టులతో బిజీగా ఉండటంతో వీరి సినిమా ప్రారంభం కావడానికి ఇంకా సమయం పట్టేలా ఉంది.
అయితే అనూహ్యంగా రవితేజ(Ravi Teja) చేయాల్సిన ఓ సినిమా తాత్కాలికంగా ఆగింది. దీనితో అనీల్ రావిపూడి, రవితేజ కాంబినేషన్ లో సినిమా మరల తెరపైకొచ్చింది. అన్నీ అనుకున్నట్టు జరిగితే మరో నెల రోజుల్లో వీరి సినిమా స్టార్ట్ అవుతుంది. అయితే వీళ్లిద్దరి కాంబోలో వచ్చిన ‘రాజా ది గ్రేట్’ కు సీక్వెల్ తీస్తే బాగుంటుందని గతంలో అభిప్రాయాన్ని వ్యక్తం చేసారు. దీనికి అనిల్ రావిపూడి గ్రీన్ సిగ్నల్ ఇస్తూ ‘రాజా ది గ్రేట్’ సినిమాకు సీక్వెల్ కు లైన్ ఉందని ప్రకటించారు.
Ravi Teja – ‘రాజా ది గ్రేట్’ సీక్వెల్ కు అనిల్ సన్నాహాలు
దీనితో అలెర్ట్ అయిన ఫ్యాన్స్… తమకు రాజా ది గ్రేట్ సీక్వెల్ కావాలంటూ సోషల్ మీడియాలో అనీల్ రావిపూడికి ఓ రేంజ్ లో విజ్ఞప్తి చేస్తున్నారు. అంతేకాదు రాజా ది గ్రేట్ సినిమాలోని ఫొటోలు, డైలాగులు మరోసారి వైరల్ చేస్తున్నారు. రాజా ది గ్రేట్ లో అంధుడిగా నటించిన రవితేజ… ఓ రేంజ్ లో వినోదాన్నందించారు. మళ్లీ తమకు ఆ స్థాయిలో ఎంటర్ టైన్ మెంట్ కావాలంటున్నారు రవితేజ ఫ్యాన్స్. పైగా రవితేజ నుంచి హిట్టొచ్చి చాలా కాలమైందని… ఆ లోటును రాజా ది గ్రేట్ సీక్వెల్ తో భర్తీ చేయాలని దర్శకుడు అనీల్ రావిపూడిని అభిమానులు డిమాండ్ చేస్తున్నారు.
Also Read : Rashmika Mandanna: హైదరాబాద్ కు మకాం మార్చిన రష్మిక