Rashmika Mandanna: అర్జున్ రెడ్డి ఫేం సందీప్ వంగా దర్శకత్వంలో రణ్ బీర్ కపూర్, రష్మిక హీరోహీరోయిన్లుగా తెరకెక్కిన సినిమా ‘యా నిమల్‌’. డిసెంబరు 1న విడుదలకు సిద్ధంగా ఉన్న ఈ సినిమా ప్రమోషన్ లో బిజీ బిజీగా గడుపుతున్న నేషనల్ క్రష్ రష్మిక… తన నెక్స్ట్ సినిమా ‘ది గర్ల్‌ఫ్రెండ్‌’ షూటింగ్ ను ప్రారంభించింది. మాస్ మూవీ మేకర్స్, దీరజ్‌ మోగిలినేని ఎంటర్‌టైన్‌మెంట్స్ పతాకాలపై విద్యా కొప్పినీది, ధీరజ్‌ మోగిలినేని సంయుక్తంగా నిర్మిస్తున్న ఈ సినిమాకు రాహుల్‌ రవీంద్రన్‌ దర్శకత్వం వహిస్తున్నారు. ఈ సినిమాకు హేషమ్‌ అబ్దుల్‌ వహాబ్‌ సంగీతం అందిస్తుండగా… లేడీ ఓరియంటెడ్ గెటప్ లో రష్మిక కనిపించబోతుంది.
Rashmika Mandanna – హైదరాబాద్ లో ప్రారంభమైన ‘ది గర్ల్‌ఫ్రెండ్‌’ షూటింగ్
‘బేబీ’ బ్లాక్ బస్టర్ తరువాత దీరజ్‌ మోగిలినేని ఎంటర్‌టైన్‌మెంట్స్ తో కలిపి మాస్ మూవీ మేకర్స్ నిర్మిస్తున్న ఈ సినిమా షూటింగ్ హైదరాబాద్‌లో లాంఛనంగా ప్రారంభం అయింది. ముహూర్తపు సన్నివేశానికి నిర్మాత అల్లు అరవింద్‌ క్లాప్‌ నివ్వగా… దర్శకుడు మారుతి కెమెరా స్విచ్చాన్‌ చేశారు. సాయిరాజేశ్‌ గౌరవ దర్శకత్వం వహించారు. వైవిధ్యమైన ప్రేమకథతో రూపొందుతున్న ఈ సినిమా రెగ్యులర్‌ చిత్రీకరణని త్వరలోనే ప్రారంభిస్తామని చిత్రవర్గాలు తెలిపాయి.
ఆకట్టుకుంటోన్న `ది గర్ల్ ఫ్రెండ్‌` ఫస్ట్ లుక్
`నేను దాన్ని ఎంత ప్రేమిస్తున్నానంటే.. దానికి ఫ్యామిలీ, ఫ్రెండ్స్ ఎవరూ అక్కర్లేదురా.. నేను చాలు. 24గంటలు పిల్ల నాతోనే ఉండాలనిపిస్తది. నాది అని చెప్పుకోవడానికి ఒక గర్ల్ ఫ్రెండ్‌ ఉంటే ఆ కిక్కే వేరురా` అని చెబుతూ రష్మికని(Rashmika Mandanna) పరిచయం చేశారు. అయితే ఇందులో రష్మిక వాటర్‌లో మునిగి స్మైల్‌ ఫేస్‌తో కనిపించింది. క్రమంగా సీరియస్‌గా మారింది. ఆ తర్వాత ఊపిరి వదిలింది. దీంతో టైటిల్‌ పడింది. చూడబోతుంటే ఇది మంచి కూల్‌ అండ్‌ ఫ్రెష్‌ లవ్‌ స్టోరీగా రూపొందబోతుందని తెలుస్తుంది. దీనితో `ది గర్ల్ ఫ్రెండ్‌` ఫస్ట్ లుక్ కు మంచి స్పందన వస్తుంది.
చాలా కాలం తరువాత మెగాఫోన్ పట్టిన రాహుల్‌ రవీంద్రన్‌
అందాల రాక్షసి సినిమాతో నటుడిగా టాలీవుడ్ కు పరిచయం అయిన రాహుల్‌ రవీంద్రన్‌… ఆ తరువాత ప్రముఖ గాయని చిన్మయి ని వివాహం చేసుకున్నాడు. ఆ తరువాత డైరెక్టర్ గా మారి `చిలసౌ`, `మన్మథుడు 2` సినిమాలకు దర్శకత్వం వహించారు. `చిలసౌ` హిట్‌ అయి… జాతీయ అవార్డుని అందుకున్నప్పటికీ `మన్మథుడు 2` మాత్రం డిజాస్టర్‌ గా నిలిచిపోయింది. దీనితో దాదాపు నాలుగేళ్ల గ్యాప్‌ తీసుకున్న రాహుల్‌ రవీంద్రన్‌… మరల `ది గర్ల్ ఫ్రెండ్‌` సినిమాతో వస్తున్నారు.
Also Read : Manchu Manoj: ఉస్తాద్ గా వస్తున్న మంచు మనోజ్