Rajinikanth: కోలీవుడ్ స్టార్ డైరెక్టర్ లోకేశ్ కనగరాజ్ దర్శకత్వంలో సూపర్ స్టార్ రజనీకాంత్ ప్రధాన పాత్రలో తెరకెక్కిస్తున్న ‘తలైవా 171’ సినిమాకు ‘కూలీ’ అనే టైటిల్ ను ఖరారు చేసారు. ఈ సినిమాకు అనిరుధ్‌ సంగీతం అందించనుండగా… ఇందులో శివకార్తికేయన్‌ కీలక పాత్రలో నటించనున్నారు. ఈ సినిమాలో రజనీకాంత్ సరసన లేడీ సూపర్ స్టార్ నయనతార నటిస్తారనే టాక్ వినిపిస్తోంది. సన్‌ పిక్చర్స్‌ నిర్మిస్తున్న సినిమా టైటిల్ టీజర్ ను తాజాగా మేకర్స్ విడుదల చేశారు. టీజర్ ను చూస్తుంటూ ఈ సినిమా మొత్తం గోల్డ్‌ స్మగ్లింగ్ నేపథ్యంలో ఉండనున్నట్లు తెలుస్తోంది.
Rajinikanth Movie
ఇక టైటిల్ టీజర్ విషయానికి వస్తే… బంగారు స్మగ్లింగ్ చేస్తున్న ఒక గ్యాంగ్‌ ఉన్న బంకర్‌లోకి రజినీకాంత్(Rajinikanth) ఎంట్రీ ఇస్తారు. వింటేజ్‌ లుక్‌లో కనిపించిన రజనీ ఫైట్‌ సీన్‌ లో అదరగొట్టేశారు. సుమారు మూడు నిమిషాలకు పైగా ఉన్న టీజర్ మొత్తం బ్లాక్‌ అండ్‌ వైట్‌ లో కనిపిస్తుంది. కూలీ సినిమా కోసం అనిరుధ్‌ అందించిన బీజీఎమ్‌ పీక్స్‌ కు తీసుకెళ్తుంది.
ఖైదీ,మాస్టర, విక్రమ్‌,లియో వంటి బ్లాక్‍బస్టర్లు కొట్టిన డైరెక్టర్ లోకేశ్ కనగరాజ్‌తో రజనీ సినిమా అని ప్రకటన రాగానే భారీ అంచనాలు నెలకొన్నాయి. ఇ‍ప్పటికే రజనీ కూడా జైలర్‌ సినిమాతో భారీగా తన మార్కెట్‌ను పెంచకున్నారు. అలా హైవోల్టేజ్ యాక్షన్ కాంబినేషన్‌లో వస్తున్న మూవీ కావడంతో ఫ్యాన్స్‌లో అంచనాలు పెరిగాయి. అందుకు తగ్గట్లుగానే చిత్ర టైటిల్ టీజర్ ఉందని చెప్పవచ్చు.
Also Read : Thalapathy Vijay : అభిమాన హీరో కోసం 36 గంటలు వెచ్చించి పదివేల పదాలు రాశారా..?