Racharikam Movie : అప్సరా కాళీమాత లుక్ లో వైరల్ అవుతున్న ‘రాచరికం’ పోస్టర్

Racharikam Movie : విజయ్ శంకర్, అప్సర రాణి జంటగా సురేష్ లంకలపల్లి దర్శకత్వంలో తెరకెక్కనున్న చిత్రం ‘రాచరికం’. చిల్ బ్రోస్ ఎంటర్‌టైన్‌మెంట్స్ బ్యానర్‌పై ఈశ్వర్ ఈ చిత్రాన్ని నిర్మించారు. ఈ చిత్రానికి సంబంధించి ఇటీవల పూజా కార్యక్రమం జరిగిన సంగతి తెలిసిందే. తాజాగా ఈ చిత్రానికి సంబంధించిన మరో అప్‌డేట్‌ను షేర్ చేశారు మేకర్స్. కథానాయిక అప్సర రాణి పుట్టినరోజు (జనవరి 12)ని పురస్కరించుకుని ‘రాచరికం’ సినిమా స్పెషల్ పోస్టర్‌ను విడుదల చేశారు.

Racharikam Movie Updates

ఈ పోస్టర్ చూస్తుంటే అపర రాణి(Apsara Rani) పాత్ర చాలా గొప్పగా కనిపిస్తోంది. ఈ పోస్టర్‌లో హీరోయిన్ కోపంతో కాళీమాత ఉగ్రరూపం దాల్చి, ఒళ్ళంతా రక్తంతో తడిసినట్టు కనిపిస్తుంది . ఫస్ట్ పోస్టర్ తోనే సినిమాపై భారీ బజ్ క్రియేట్ చేసింది చిత్ర బృందం. భవిష్యత్తులో మరిన్ని అప్‌డేట్‌లు చేయనున్నట్టు చెబుతున్నారు టీమ్. విజయ రామరాజు, శ్రీకాంత్ అయ్యంగార్, మహబూబ్ బాషా, రూపేష్ మల్లప్, ప్రాచి థాకర్, లత, ఈశ్వర్ తదితరులు ముఖ్య పాత్రలు పోషించారు. వెంగి సంగీతం అందించగా, ఆర్య సాయికృష్ణ సినిమాటోగ్రాఫర్‌గా పనిచేశారు. జెపి ఎడిటింగ్‌ బాధ్యతలు నిర్వహిస్తున్నారు.

Also Read : Pushpa 2 Updates : బన్నీ డాన్స్ కి ఫ్యాన్స్ ఫుల్ ఖుష్ అవుతారంటున్న టీమ్