Pushpa 2 : ఐకాన్ స్టార్ అల్లు అర్జున్ నటించిన పుష్ప 2(Pushpa 2) ఇప్పుడు బాక్సాఫీస్ వద్ద సత్తా చాటుతుంది. విడుదలైన ఆరు రోజుల్లోనే ఏకంగా రూ.1000 కోట్లకు పైగా వసూల్లు రాబట్టి భారతీయ సినీ చరిత్రలోనే అరుదైన రికార్డ్ సృష్టించింది. ఇప్పటివరకు ఈ రికార్డ్ కేవలం ప్రభాస్ నటించిన బాహుబలి 2 సినిమాపైనే ఉండేది. డైరెక్టర్ రాజమౌళి దర్శకత్వంలో ప్రభాస్ నటించిన బాహుబలి సినిమా విడుదలైన 10 రోజుల్లోనే రూ.1000 కోట్లకు పైగా వసూళ్లు రాబట్టింది.ఆ తర్వాత జక్కన్న రూపొందించిన ఆర్ఆర్ఆర్ రెండవ స్థానంలో ఉండేది. భారీ అంచనాల మధ్య విడుదలైన ఈ సినిమా కేవలం 16 రోజుల్లోనే రూ.1000 కోట్ల కలెక్షన్స్ రాబట్టింది.ఇందులో రామ్ చరణ్, ఎన్టీఆర్ ఇద్దరూ ప్రధాన పాత్రలు పోషించారు.
Pushpa 2 Collections…
ఇకపాన్ ఇండియా బాక్సాఫీస్ ను షేక్ చేసిన సినిమా కేజీఎఫ్ 2. డైరెక్టర్ ప్రశాంత్ నీల్ దర్శకత్వంలో కన్నడ హీరో యశ్ నటించిన ఈ సినిమా భారీ వసూళ్లు రాబట్టింది.విడుదలైన 16 రోజుల్లోనే ఈ సినిమా వెయ్యి కోట్లు రాబట్టింది.ఇక ఆ తర్వాతి స్థానంలో ప్రభాస్ నటించిన కల్కి 2898 ఏడీ చిత్రం నిలిచింది. డైరెక్టర్ నాగ్ అశ్విన్ తెరకెక్కించిన ఈ సినిమా రిలీజ్ అయిన 16 రోజుల్లో రూ.1000 కోట్ల కలెక్షన్స్ రాబట్టింది.ఆ తర్వాత రెండు రికార్డులు బాలీవుడ్ బాద్ షా షారుఖ్ ఖాన్ పేరు మీద ఉన్నాయి. ఈ హీరో నటించిన జవాన్ సూపర్ హిట్ అయిన సంగతి తెలిసిందే. ఈ సినిమా రిలీజ్ అయిన 18 రోజుల్లో రూ.1000 కోట్లు రాబట్టింది.అంతకు ముందు షారుఖ్ ఖాన్ నటించిన పఠాన్ చిత్రం సైతం 1000 కోట్ల క్లబ్ లో చేరిన సంగతి తెలిసిందే. షారుఖ్, దీపిక పదుకొణె జంటగా నటించిన ఈ సినిమా విడుదలైన 27 రోజుల్లో వెయ్యి కోట్లు రాబట్టింది.
Also Read : Bigg Boss 8 : బిగ్ బాస్ 8 తెలుగు ఫినాలే కు చీఫ్ గెస్ట్ గా ‘అల్లు అర్జున్’