Pushpa 2 : ఐకాన్ స్టార్ అల్లు అర్జున్ నటించిన పుష్ప 2 విడుదలకు ఇంకా పదిహేను రోజుల సమయం మాత్రమే మిగిలి ఉంది. దీంతో ఇప్పుడు ఈ సినిమా నుంచి వచ్చే ప్రతి అప్డేట్ అభిమానులకు మరింత ఉత్సాహపరుస్తుంది. ఈసారి నేషనల్ కాదు.. ఇంటర్నేషనల్ లెవల్లో సత్తా చాటేందుకు రెడీ అయ్యింది పుష్ప 2(Pushpa 2). ఇప్పటికే విడుదలైన ట్రైలర్ సినిమాపై ఓ రేంజ్ హైప్ క్రియేట్ చేసింది. దీంతో ఈ సినిమాను ఎప్పుడెప్పుడూ చూద్ధామా అని ఫుల్ జోష్ లో ఎదురుచూస్తున్నారు అభిమానులు. ఈసారి పుష్పరాజ్ గా బన్నీ ఎలాంటి మాస్ మేనరిజం చూపించనున్నాడని ఆసక్తి నెలకొంది. ఇక ఈసారి పుష్ప 2(Pushpa 2)లో అల్లు అర్జున్, ఫహద్ ఫాజిల్ మధ్య వచ్చే సీన్స్ కోసం ఫ్యాన్స్ వెయిట్ చేస్తున్నారు.
Pushpa 2 Movie Updates
ఇదిలా ఉంటే.. ఇప్పుడు పుష్ప 2 విడుదలకు ముందు రికార్డ్స్ కొల్లగొడుతుంది. గత సినిమాల బాక్సాఫీస్ వసూళ్లపై కన్నేసింది. ఇప్పటికే విదేశాల్లో ప్రీ బుకింగ్స్ లో సత్తా చాటుతుంది. అమెరికాలో బాక్సాఫీస్‌ను కొల్లగొట్టేందుకు సిద్ధమైంది. భారత్‌తో పోలిస్తే అమెరికాలో ప్రీ-బుకింగ్ ముందుగానే ప్రారంభమవుతుంది. అతి తక్కువ సమయంలోనే అమెరికాలో ప్రీ బుకింగ్స్ లో మిలియన్ డాలర్స్ (8.43 కోట్లు) దాటిన తొలి భారతీయ చిత్రంగా ‘పుష్ప 2’ నిలిచింది.
ఆర్ఆర్ఆర్, కల్కి 2898 ఏడీ, స్త్రీ 2, జవాన్ వంటి బ్లాక్ బస్టర్ హిట్ చిత్రాలను సైతం వెనక్కు నెట్టేసింది పుష్ప 2. ప్రీ బుకింగ్స్ లో అత్యంత వేగంగా 1 మిలియన్ డాలర్స్ క్రాస్ చేసిన సినిమాగా పుష్ప 2 నిలిచింది. కొన్ని గంటల్లోనే వన్ మిలియన్ డాలర్స్ మార్క్ క్రాస్ చేసింది. ఇది కేవలం బుకింగ్ సమాచారం మాత్రమే. అటు ఈ చిత్రానికి బాక్సాఫీస్ కలెక్షన్స్ మరింత పెరగనున్నట్లు తెలుస్తోంది. అమెరికాలో వన్ మిలియన్ వసూళ్లు రాబట్టిన సినిమాగా పుష్ప 2 రికార్డు సృష్టించింది అంటూ మైత్రీ మూవీ మేకర్స్ అధికారిక ప్రకటించారు. ‘మరో రోజు మరో రికార్డు.. చరిత్ర పుటల్లో మరో అధ్యాయం చేరిపోయింది’ అంటూ రాసుకొచ్చింది.
Also Read : Mammootty-Mohanlal : రెండు దశాబ్దాల తర్వాత ఆ ఇద్దరు స్టార్స్ మధ్య సినిమా