Prabhas: యంగ్ రెబల్ స్టార్ ప్రభాస్ హీరోగా మారుతి దర్శకత్వంలో తెరకెక్కుతోన్న తాజా సినిమా ‘ది రాజాసాబ్’. హారర్ థ్రిల్లర్‌ మూవీగా తెరకెక్కిస్తున్న ఈ సినిమాలో మాళవికా మోహనన్, నిధి అగర్వాల్, రిద్ది కుమార్‌ హీరోయిన్లుగా నటిస్తున్నారు. ఈ చిత్రాన్ని పీపుల్ మీడియా ఫ్యాక్టరీ నిర్మిస్తోంది. సంక్రాంతి కానుకగా విడుదల చేసిన ఈ మూవీ ఫస్ట్ లుక్‌, టైటిల్‌ కు మంచి స్పందన వచ్చింది. ప్రభాస్ ఇప్పటిదాకా చేయని రొమాంటిక్ హారర్ జానర్‌లో ఈ సినిమాను రూపొందిస్తుండటంతో… ఈ ప్రాజెక్టుపై అందరిలో క్యూరియాసిటీ నెలకొంది.
Prabhas Movie Updates
అయితే మూడు నెలలుగా ‘ది రాజాసాబ్’ సినిమా గురించి ఎలాంటి అప్‌ డేట్‌ రాలేదు. దీనితో ప్రభాస్(Prabhas) ఫ్యాన్స్ ‘ది రాజాసాబ్’ అప్‌డేట్స్‌ కోసం ఎంతో ఆసక్తిగా ఎదురు చూస్తున్నారు. తాజాగా ఈ మూవీకి సంబంధించిన నిర్మాత ఎస్‌కేఎన్‌ ఓ క్రేజీ హింట్‌ ఇచ్చారు. త్వరలోనే ఈ సినిమాకు సంబంధించి మొదటి సాంగ్‌ను రిలీజ్ చేయబోతున్నట్లు టాక్‌ వినిపిస్తోంది. దీనిపై ప్రముఖ నిర్మాత ఇన్‌ డైరెక్ట్‌గా ట్వీట్‌ చేశారు. అంతే కాకుండా ఈ ట్వీట్‌కు డైరెక్టర్ మారుతి రిప్లై ఇవ్వడంతో ఫస్ట్ సింగిల్‌ అప్‌డేట్ ఖాయమని ఫ్యాన్స్ భావిస్తున్నారు. కాగా… ఈ సినిమాకు ఎస్ఎస్ తమన్ సంగీతమందిస్తున్నారు. ‘ది రాజాసాబ్’ సినిమా పాన్ ఇండియా స్థాయిలో తెలుగుతో పాటు తమిళ, మలయాళ, కన్నడ, హిందీలో ప్రేక్షకుల ముందుకు రాబోతోంది. ఈ చిత్రంలో బాలీవుడ్ నటుడు సంజయ్‌ దత్‌ కీలక పాత్రలో కనిపించనున్నట్లు తెలుస్తోంది.
Also Read : Salman Khan: సల్మాన్ ఖాన్ ఇంటికి మహారాష్ట్ర సీఎం !