Poacher : ఓటీటీలో ఇప్పటికే చాలా సినిమాలు ప్రేక్షకులను అలరిస్తున్నాయి. తాజాగా ఓటీటీలో ఓ ఇంట్రెస్టింగ్ క్రైం థ్రిల్లర్ ప్రేక్షకుల ముందుకు రానుంది. పోచర్ అనే క్రైమ్ సిరీస్ త్వరలో ప్రేక్షకుల ముందుకు రానుంది. ఆస్కార్ అవార్డ్ విన్నింగ్ ప్రొడక్షన్ సంస్థ క్యూసీ ఎంటర్‌టైన్‍మెంట్ ఈ వెబ్ సిరీస్ ను తెరకెక్కిస్తోంది. అలాగే ఈ సినిమాకు బాలీవుడ్ స్టార్ హీరోయిన్ అలియా భట్(Alia Bhatt) కూడా నిర్మాతగా వ్యవహరించారు.
Poacher Series Updates
‘పోచర్’ వెబ్ సిరీస్ కు రిచీ మెహతా దీనికి రచన, దర్శకత్వం వహించారు. నిమిషా సజయన్, రోషన్ మథ్యూ, దివ్యేంద్ర భట్టాచార్య ఈ వెబ్ సిరీస్ లో నటిస్తున్నారు. క్రైం థ్రిల్లర్స్ ను ఎంజాయ్ చేసే ప్రేక్షకులకు ఈ వెబ్ సిరీస్ తప్పకుండా ఆకట్టుకుంటుందని మేకర్స్ అంటున్నారు. తాజాగా ఈ వెబ్ సిరీస్ రిలీజ్ డేట్ ను అనౌన్స్ చేశారు. ఫిబ్రవరి 23 నుంచి స్ట్రీమింగ్ అవుతుందని మేకర్స్ ప్రకటించారు. ప్రముఖ ఓటీటీ సంస్థ అమెజాన్ ప్రైమ్ లో ఈ వెబ్ సిరీస్ ను స్ట్రీమింగ్ చేయనుంది. పోచర్ వెబ్ సిరీస్లో 8 ఎపిసోడ్లు ఉండనున్నాయి.
ఇటీవలే ఈ వెబ్ సిరీస్ ను సుడాన్స్ ఫిల్మ్స్ ఫెస్టివల్‍లో ప్రదర్శించారు. ఇక ఇప్పుడు అమెజాన్ ప్రైమ్ లో స్ట్రీమింగ్ కానుంది. ఈ వెబ్ సిరీస్లో అడవుల్లో వన్య ప్రాణుల పై జరిగే దాడుల గురించి చూపించారు. ముందుగా ఏనుగుల పై జరిగే దాడుల గురించి ఈ వెబ్ సిరీస్ లో చూపించనున్నారు. ఈ సినిమాను ఎక్కువగా అడవుల్లో షూటింగ్ చేశారు. కేరళలోని అడవుల్లో ఈ సినిమా షూటింగ్ చేశారు. ఏనుగు దంతాల నెట్‍వర్క్‌ గుట్టు రట్టు చేసేందుకు కృషి చేసిన ఇండియన్ ఫారెస్ట్ సర్వీస్ అధికారులతో కలిసి పోలీసులు చేసిన కృషిని ఈ సినిమాలో చూపించనున్నారు.
Also Read : Heeramandi : లేటెస్ట్ గా రిలీజ్ చేసిన సంజయ్ లీల బన్సాలి డ్రీమ్ ప్రాజెక్ట్ టీజర్