Nikhil Siddharth: తండ్రి కాబోతున్న టాలీవుడ్ యంగ్ హీరో !

Nikhil Siddharth: టాలీవుడ్ యంగ్ హీరో నిఖిల్ సిద్ధార్థ త్వరలోనే తండ్రి కాబోతున్నారు. తాజాగా ఆయన భార్య డాక్ట‌ర్ ప‌ల్ల‌వి వ‌ర్మకు సీమంతం వేడుక నిర్వహించారు. ఈ విషయాన్ని నిఖిల్ తన ట్విటర్ ద్వారా పంచుకున్నారు. సీమంతం వేడుకలో తన భార్యతో దిగిన ఫోటోను షేర్ చేశారు. 2020లో డాక్ట‌ర్ ప‌ల్ల‌వి వ‌ర్మను ప్రేమించి పెళ్లి చేసుకున్నాడు నిఖిల్‌(Nikhil Siddharth). మూడేళ్ళు తిరగకముందే నిఖిల్ తండ్రి కాబోతున్నాడు. ఈ సందర్భంగా నిఖిల్ తన ట్విటర్‌లో రాస్తూ… ‘నా భార్యకు భారతీయ సంప్రదాయంలో సీమంతం వేడుక జరిగింది.

పల్లవి, నేను త్వరలోనే మా మొదటి బిడ్డ స్వాగతం పలకబోతున్నాం. ఈ విషయాన్ని ప్రకటించడానికి మేము చాలా సంతోషిస్తున్నాం. దయచేసి మాకు పుట్టబోయే బిడ్డకు మీ అందరి ఆశీస్సులు పంపండి.’ అంటూ పోస్ట్ చేశారు. ఇది చూసిన నిఖిల్ అభిమానులు తమ హీరోకు అభినందనలు తెలుపుతున్నారు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది.

Nikhil Siddharth Viral

‘హ్యాపీడేస్’​ సినిమాతో టాలీవుడ్ లో ఎంట్రీ ఇచ్చిన యంగ్ హీరో నిఖిల్​. ‘కార్తికేయ’, ‘కార్తికేయ 2’తో పాన్ ఇండియా లెవెల్​లో గుర్తింపు పొందారు. ప్రస్తుతం ఆయన ‘స్వయంభూ’ సినిమాలో నటిస్తున్నారు. చారిత్రాత్మక నేపథ్యంలో సాగే ఈ సినిమాలో హీరో నిఖిల్​ ఓ వారియర్​ పాత్రలో కనిపించనున్నారు. ఈ సినిమా కోసం దాదాపు మూడు నెలలపాటు యుద్ధవిద్యలపైనే నిఖిల్ శిక్షణ తీసుకున్నారు.

Also Read : Pawan Kalyan Movie : రీ రిలీజ్ కు సిద్ధమవుతున్న పవర్ స్టార్ ప్లాప్ సినిమా