Kamal Haasan: 1987లో వచ్చిన ‘నాయకన్‌’ (తెలుగులో నాయకుడు) తరువాత మణిరత్నం-కమల్ హాసన్ క్రేజీ కాంబో వస్తున్న సినిమా ‘థగ్ లైఫ్’. సుమారు 36 ఏళ్ళ తరువాత ప్రేక్షకుల ముందుకు వస్తున్న ఈ సినిమాను రాజ్‌ కమల్ ఫిల్మ్స్‌ ఇంటర్నేషనల్‌, మద్రాస్ టాకీస్‌ సంస్థలు సంయుక్తంగా నిర్మిస్తున్నాయి. అస్కార్ విన్నర్ ఏఆర్ రెహమాన్ సంగీతం అందిస్తున్న ఈ సినిమాలో కోలీవుడ్ స్టార్ హీరో జయం రవి, శాండిల్ వుడ్ స్టార్ హీరో దుల్హర్ సల్మాన్, దక్షిణాది భాషల అగ్ర నటి త్రిష కీలక పాత్రలు పోషించగా పలువురు జాతీయ అవార్డు గ్రహీతలు టెక్నీషియన్స్ గా వర్క్ చేస్తున్నారు.
Kamal Haasan Movie Updates
కమల్ హాసన్ పుట్టిన రోజు సందర్భంగా నవంబరు 7న చిత్ర యూనిట్ విడుదల చేసిన టైటిల్ వీడియాతో పాటు సినిమా ఫస్ట్ లుక్ కు పాన్ ఇండియా లెవల్ లో మంచి రెస్సాన్స్ వచ్చింది. సుమారు 36 ఏళ్ళ తరువాత కమల్-మణిరత్నం కాంబోలో వస్తున్న ఈ సినిమాపై అమాంతంగా అంచనాలు పెరిగిపోయాయి. అయితే తాజాగా చిత్ర యూనిట్ అభిమానులకు మరో సర్ ప్రైజ్ అనౌన్స్ మెంట్ చేసింది. ప్రస్తుతం ఆ అనౌన్స్ మెంట్ సోషల్ మీడియాను హోరెత్తిస్తోంది.
కమల్ హాసన్-మణిరత్నం కాంబోకోసం ఎంతో ఆశక్తిగా ఎదురుచూస్తున్న అభిమానుల కోసం చిత్ర యూనిట్ సర్ ప్రైజ్ అనౌన్స్ మెంట్ చేసింది. ఈ సినిమాలో కమల్ హాసన్(Kamal Haasan), జయం రవి, దుల్కర్ సల్మాన్, త్రిషలతో పాటు మరో ఇద్దరు కొత్త నటులు ఈ సినిమాలో నటిస్తున్నట్లు అధికారికంగా ప్రకటించింది. ఈ సినిమాలో కోలీవుడ్ నటుడు గౌతమ్ కార్తీక్ తో పాటు మలయాళ నటుడు జోజు జార్జ్ కూడా నటిస్తున్నట్లు ప్రకటించడంతో పాటు సినిమా సెట్స్ లోనికి వారిని ఆహ్వానం పలుకుతున్నట్లు చిత్ర యూనిట్ తన సోషల్ మీడియా అకౌంట్ ఎక్స్ లో పోస్టు పెట్టారు. దీనితో ఈ సినిమాకు చెందిన వార్తలు, ఫొటోలు సోషల్ మీడియాలో మరోసారి వైరల్ అవుతున్నాయి.
Also Read : Aamir Khan: కన్నీరు పెట్టుకున్న అమీర్ ఖాన్ ! కారణం అదే !