Nayanthara: ‘కేజీఎఫ్’ సిరీస్‌ విజయాల తర్వాత కన్నడ స్టార్ హీరో యశ్ నటిస్తోన్న పాన్ ఇండియా సినిమా ‘టాక్సిక్’. ప్రముఖ మలయాళ దర్శకురాలు గీతు మోహన్ దాస్ దర్శకత్వం వహిస్తున్న ఈ సినిమాను కేవీఎన్‌ ప్రొడక్షన్స్‌, మాన్‌స్టర్‌ మైండ్‌ క్రియేషన్స్‌ సంస్థలు భారీ బ‌డ్జెట్‌తో సంయుక్తంగా నిర్మిస్తున్నాయి. ఈ సినిమాలో కియారా అడ్వాణి కథానాయికగా నటిస్తుండగా… లేడీ సూపర్ స్టార్ నయనతార, బాలీవుడ్ బ్యూటీ హ్యూమా ఖురేషి కీలక పాత్రలు పోషిస్తున్నారు. చిత్రీకరణ దశలో ఉన్న ఈ సినిమా కోసం లేడీ సూపర్ స్టార్ నయనతార(Nayanthara) రంగంలోకి దిగినట్లు సమాచారం. ప్రస్తుతం వీళ్లిద్దరిపై కీలక సన్నివేశాలు చిత్రీకరిస్తున్నట్లు తెలుస్తోంది. ఇందులో ఈమె యశ్ కు సిస్టర్‌ గా నటించనున్నట్లు సమాచారం. లండన్‌లో ఈ చిత్రీకరణ జరుగుతున్నట్లు తెలుస్తోంది. ఇందులో ఆమె పాత్ర యాక్షన్‌ కోణంలో ఉండనున్నట్లు ప్రచారం వినిపిస్తోంది. 1950 – 1970ల మధ్య జరిగే డ్రగ్‌ మాఫియా కథాంశంతో ఈ చిత్రం రూపొందనుంది. దీనికి చరణ్‌ రాజ్‌ సంగీత దర్శకుడిగా వ్యవహరిస్తున్నారు.
Nayanthara Movie Updates
బాక్సాఫీస్ సెన్సేష‌న్ రాకింగ్ స్టార్ యశ్ హీరోగా తెరకెక్కిస్తున్న ‘టాక్సిక్: ఎ ఫెయిరీ టేల్ ఫ‌ర్ గ్రోన్ అప్స్‌’ ఇటీవల బెంగ‌ళూరులో పూజా కార్య‌క్ర‌మాల‌తో లాంఛ‌నంగా ప్రారంభ‌మైంది. కేజీఎఫ్ వంటి బ్లాక్‌బ‌స్ట‌ర్ చిత్రం తర్వాత య‌ష్ నటిస్తోన్న కావ‌డంతో సినిమాపై భారీ అంచ‌నాలు నెల‌కొన్నాయి. అంద‌రి ఎక్స్‌పెక్టేష‌న్స్‌ను మించేలా డైరెక్ట‌ర్ గీతూ మోహ‌న్‌దాస్ తెర‌కెక్కించ‌నున్నారు. ఈ మూవీ కోసం స్టార్ యాక్ట‌ర్స్‌, టెక్నిక‌ల్ టీమ్ చేతులు క‌లిపింది. విజయవంతమైన ఆంగ్ల సిరీస్‌ ‘పీకీ బ్లైండర్స్‌’ ప్రేరణతో గీతూ ఈ కథను సిద్ధం చేసినట్లు ప్రచారం వినిపిస్తోంది. ఈ చిత్రంలో యశ్ శక్తిమంతమైన గ్యాంగ్‌స్టర్‌ పాత్రలో కనిపించనున్నారు. ఈ సినిమా వచ్చే ఏడాది ఏప్రిల్‌ 10న విడుదల కానుంది.
Also Read : Thalapathy Vijay: రిలీజ్‌ కు ముందే రికార్డులు సృష్టించిన విజయ్‌ ‘గోట్‌’ !