Mukesh Rishi: మంచు విష్ణు ప్రధాన పాత్రలో, మంచు కుటుంబం డ్రీమ్‌ ప్రాజెక్ట్‌గా తెరకెక్కిస్తోతోన్న సినిమా ‘కన్నప్ప(Kannappa)’. అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ బ్యానర్ల మీద డా.మోహన్ బాబు నిర్మిస్తున్న ఈ సినిమాకి ‘మహాభారత’ సిరీస్‌ ని రూపొందించిన ముఖేష్ కుమార్ సింగ్ దర్శకత్వం వహిస్తున్నారు. ఈ సినిమాలో అక్షయ్‌కుమార్‌, మోహన్ బాబు, మోహన్లాల్, శరత్ కుమార్, శివరాజ్‌కుమార్‌ లు ప్రధాన పాత్రలు పోషిస్తున్న ఈ సినిమా ఎక్కువగా న్యూజిలాండ్‌ లోని అద్భుతమైన లోకేషన్స్‌లో చిత్రీకరించారు. ఈ సినిమాలో ప్రభాస్ శివుడిగా, నయనతార పార్వతిగా కనిపించనున్నట్లు తెలుస్తోంది. ఈ సినిమా నుంచి తాజాగా మ‌రో అప్డేట్ వ‌చ్చింది. మేక‌ర్స్ గ‌తంలో చెప్పిన మాదిరిగానే ప్ర‌తి సోమ‌వారం ఓ పాత్ర‌కు సంబంధించిన లుక్ విడుద‌ల చేస్తూ సినిమాపై క్యూరియాసిటీని మ‌రింత‌గా పెంచేస్తున్నారు.
Mukesh Rishi Movie Updates
ఇప్పటికే ఈ చిత్రం నుంచి శరత్ కుమార్ నాథ నాథుడు, మ‌ధుబాల ప‌న్న‌గ, దేవ‌రాజ్‌ ముండ‌డు, సంప‌త్ రామ్ చుండ‌డు, వంటి పాత్ర‌ల‌ను రివీల్ చేయ‌గా తాజాగా ఈ సోమ‌వారం ముఖేష్ రిషి(Mukesh Rishi) పోషించిన ‘కంప‌డు’కు సంబంధించిన ఫస్ట్ లుక్ పోస్టర్‌ను రిలీజ్ చేశారు.
ఈ సంద‌ర్భంగా కంప‌డు పాత్ర‌కు సంబంధించిన వివ‌రాలు, వాడిన అయుధం గురించి తెలియ జేశారు. అత్యంత పురాత‌నమైన పుళిందుల జాతి స‌దాశివ కొండ‌ల్లో నివ‌సిస్తూ ఉంటుంది. వంశ పారంప‌ర్యంగా వాయి లింగాన్ని సంర‌క్షించే భాధ్య‌త వీరికి ఉంటుంది. ఈ పుళింద జాతినే భ‌ద్ర గ‌ణం అంటూ ఉంటారు దానికి నాయ‌కుడే ఈ కంప‌డు. ఈ భ‌ద్ర గ‌ణంలోనే గ‌వ్వ‌రాజు అనే పాత్రలో సీనియ‌ర్ న‌టుడు బ్ర‌హ్మాజీ క‌నిపించ‌నున్నాడు. ఈ పోస్ట‌ర్‌ లో న‌టుల వేష ధార‌ణ‌లు, ఆ ప్రాంత చ‌రిత్ర, వారి అయుధాలు, బాధ్య‌తలు ఆక‌ట్టుకునేలా ఉన్నాయి.
భారీ తారాగ‌ణంతో పాన్ ఇండియా సినిమాగా వ‌స్తున్న ఈ సినిమా షూటింగ్ ప్ర‌స్తుతం న్యూజీలాండ్‌లో శ‌ర‌వేగంగా జ‌రుగుతోంది. అక్ష‌య్ కుమార్, ప్రభాస్, మోహన్లాల్, శివ‌రాజ్ కుమార్, బ్రహ్మానందం, మ‌ధుబాల, శరత్ కుమార్, మోహన్ బాబు, దేవ‌రాజ్‌వంటి మ‌హామ‌హులు ప్రధాన పాత్ర‌ల్లో న‌టిస్తున్నారు. త‌మిళ బ్యూటీ ప్రీతి ముకుంద‌న్ క‌థానాయుక‌గా న‌టిస్తోంది. ఇప్పటికే పలువురు పాన్ ఇండియా స్టార్స్ ఉండటం వల్ల అందరి దృష్టి ఈ సినిమాపైనే ఉంది. ఈ చిత్రాన్ని విజువల్ వండర్‌గా మోహన్ బాబు నిర్మిస్తున్న ఈ చిత్రాన్ని ముఖేష్ కుమార్ సింగ్ డైరెక్ట్ చేస్తున్నారు. ఈ పాన్ ఇండియా ప్రాజెక్ట్ షూటింగ్ దాదాపు చివరి దశకు చేరుకుంది. త్వరలోనే పూర్తి చేసి ప్రమోషన్ కార్యక్రమాలను ప్రారంభించనున్నారు.
Also Read : Prashanth: 51 ఏళ్ల వయసులో పెళ్లి పీటలెక్కనున్న కోలీవుడ్ హీరో !