Mrunal Thakur : ‘ది ఫ్యామిలీ స్టార్‌’ సినిమా పోస్టర్‌ను ఎడిట్ చేసిన ఓ నెటిజన్‌పై హీరోయిన్‌ మృణాల్ ఠాకూర్‌ మండిపడ్డారు. అతను చేసిన పని ఏమాత్రం నచ్చలేదన్నారు. ఇంతకీ నెటిజన్‌ ఏం చేశాడంటే.. దీపావళి పర్వదినాన్ని పురస్కరించుకొని సౌఖిన్‌ అనే వ్యక్తి ఇన్‌స్టా వేదికగా ఓ ఫొటో షేర్‌ చేశాడు. గత ఏడాది దీపావళికి సంబంధించిన ‘ది ఫ్యామిలీ స్టార్‌’ పోస్టర్‌ను అతడు ఎడిట్ చేశాడు. విజయ్‌ దేవరకొండ స్థానంలో తన ఫొటోని పెట్టి.. మృణాల్‌తో కలిసి టపాసులు కాలుస్తున్నట్లు క్రియేట్‌ చేశాడు. ‘‘ దీపావళి ఫొటో ఎడిటింగ్‌.. బాలీవుడ్‌ నటి ఫొటోషూట్‌’’ అని పేర్కొన్నాడు. ఇది కాస్త మృణాల్ కంట పడింది. దీనిని చూసి ఆమె అసహనానికి గురయ్యారు. వెంటనే ఆ పోస్ట్‌కు రిప్లై ఇచ్చారు. ‘‘ బ్రదర్‌.. మీకు మీరే ఎందుకు తప్పుడు భరోసా ఇచ్చుకుంటున్నారు? మీరు చేసిన పని బాగుందనుకుంటున్నారా? ఇది ఏమాత్రం బాలేదు’’ అని తెలిపారు. దీనిపై నెటిజన్లు స్పందిస్తూ అతడు చేసిన పనిని తప్పుబడుతున్నారు.
Mrunal Thakur Slams..
విజయ్‌ దేవరకొండ, మృణాల్ ఠాకూర్‌(Mrunal Thakur) జంటగా నటించిన చిత్రం ‘ ది ఫ్యామిలీ స్టార్‌’. పరశురామ్‌ దర్శకత్వం వహించారు. శ్రీ వేంకటేశ్వర క్రియేషన్స్‌ పతాకంపై దిల్‌ రాజు నిర్మించారు. ఎన్నో అంచనాల మధ్య ఈ ఏడాది ఏప్రిల్‌ 5న ఈ సినిమా విడుదలైంది. అయితే ఆశించిన ఫలితం అందుకోలేకపోయింది. ప్రస్తుతం మృణాల్ ఠాకూర్‌ బాలీవుడ్‌లో వరుస చిత్రాలు చేస్తున్నారు. ‘ పూజా మేరీ జాన్‌’, ‘హై జవానీ తో ఇష్క్‌ హోనా హై’, ‘సన్‌ ఆఫ్‌ సర్దార్‌ 2’, ‘తుమ్‌ హీ హో’ వంటి చిత్రాల్లో ఆమె నటిస్తున్నారు.
Also Read : Allu Arjun-Sree Leela : ఈసారి పుష్ప 2 ఐటమ్ సాంగ్ లో అలరించనున్న శ్రీలీల