Mr. Bachchan: డైనమిక్ డైరెక్టర్ హరీశ్ శంకర్ దర్శకత్వంలో మాస్ మహారాజ్ రవితేజ ప్రధాన పాత్రలో తెరకెక్కిస్తున్న సినిమా ‘మిస్టర్‌ బచ్చన్‌’. పీపుల్స్ మీడియా పతాకంపై టీజీ విశ్వప్రసాద్‌ నిర్మిస్తున్న ఈ సినిమాలో భాగ్యశ్రీ బోర్సే హీరోయిన్. ప్రముఖ నటుడు జగపతిబాబు ప్రతినాయక పాత్ర పోషిస్తున్నారు. ఈ సినిమాకు సంబంధించి సోమవారం షో రీల్‌ పేరుతో ఓ వీడియో గ్లింప్స్‌ విడుదల చేశారు. దాదాపు నిమిషం నిడివి ఉన్న ఈ ప్రచార చిత్రంలో ఒక్క డైలాగ్‌ లేకున్నా… రవితేజ ఆద్యంతం మాస్ యాక్షన్‌ హంగామాతో అలరించారు.
Mr. Bachchan Movie Updates
‘మిస్టర్‌ బచ్చన్‌’ సినిమాలో నిజాయతీ గల ఆదాయపన్ను అధికారిగా కనిపించనున్నట్లు అర్థమవుతోంది. తను ఓ రాజకీయ నాయకుడి ఇంటికి రైడ్‌ కు వెళ్లాక ఏం జరిగిందనే ఆసక్తికర అంశంతో ఈ సినిమా రూపొందించినట్లు తెలుస్తోంది. ఆఖర్లో అమితాబ్‌ కటౌట్‌ ముందు ఆయన్ని అనుకరిస్తూ రవితేజ కనిపించిన తీరు ఆకర్షణగా నిలిచింది. ప్రస్తుతం పోస్ట్ ప్రొడక్షన్ పనుల్లో బిజీగా ఉన్న చిత్ర యూనిట్ త్వరలోనే విడుదల తేదీ ప్రకటించనున్నారు. ఈ సినిమాకి మిక్కీ జె.మేయర్ సంగీతం అందిస్తుండగా అయనంక బోస్‌ సినిమాటోగ్రాఫర్.
Also Read : Devara: థాయ్ లాండ్ బయలుదేరిన ఎన్టీఆర్ ‘దేవర’ యూనిట్ !