Mohanlal: విభిన్నమైన కథలు, వైవిధ్యమైన పాత్రలతో ప్రేక్షకులను ఆకట్టుకుంటారు మ‌ల‌యాళం సూపర్ స్టార్ మోహన్ లాల్. దృశ్యం, దృశ్యం 2 వంటి బ్లాక్ బ‌స్ట‌ర్ హిట్స్ అందించిన జీతూ జోసెఫ్‌ దర్శకత్వంలో తెరకెక్కుతున్న ‘నెరు’ సినిమాలో ప్రస్తుతం మోహన్ లాల్ నటిస్తున్నారు. ఈ సినిమాలో ప్రియమణి కీలక పాత్ర పోషిస్తుంది. సోషల్ మీడియా వేదికగా శనివారం ఈ సినిమా ట్రైలర్ ను విడుదల చేసారు.
Mohanlal Movie Upddates
ఇందులో విజయ్‌ మోహన్ అనే న్యాయవాది పాత్రలో కనిపిస్తూ ప్రేక్షకులను ఆకట్టుకుంటున్నారు మోహన్ లాల్(Mohanlal). ‘నేను విచారణకు హాజరై చాలా ఏళ్లయ్యింది. ఈ కేసుకు నేను సరిపోను’, ‘ఒక న్యాయవాదిగా విజయం, వైఫల్యాల గురించి అంచనా వేయడం సరికాదు’ లాంటి సంభాషణలతో సాగుతున్న ఈ ట్రైలర్ సినిమాపై అంచనాలను మరింత పెంచుతుంది. ఇప్పటికే ఈ మూవీ నుంచి రిలీజైన పోస్టర్, టీజర్ ఆడియెన్స్ లో ఎనలేని హైప్ క్రియేట్ చేశాయి. తాజాగా విడుదల చేసిన ఈ ట్రైలర్ మరింత హైప్ ను క్రియేట్ చేస్తున్నాయి. కోర్టు రూం డ్రామా నేపథ్యంలో రూపొందుతున్న ఈ సినిమాను ఈ నెల 21న విడుదల చేయడానికి చిత్ర యూనిట్ సన్నాహాలు చేస్తోంది.
Also Read : Vidyut Jamwal: న్యూడ్ ఫొటోలు షేర్‌ చేసిన బాలీవుడ్ హీరో