Pranayagodari: సదన్ హీరోగా, ప్రియాంక ప్రసాద్ హీరోయిన్‌గా నటిస్తున్న తాజా సినిమా ‘ప్రణయగోదారి’. పి.ఎల్. విఘ్నేష్ దర్శకత్వం వహిస్తున్న ఈ సినిమాను పారమళ్ళ లింగయ్య నిర్మిస్తున్నారు. డిఫెరెంట్ కంటెంట్ తో ఫీల్ గుడ్ ఎంటర్ టైనర్‌గా ఈ సినిమాను ప్రేక్షకుల ముందుకు తీసుకొస్తున్నారు మేకర్స్. ఇప్పటికే ఈ సినిమాకు సంబంధించి విడుదలైన ప్రమోషనల్ కంటెంట్ మంచి స్పందనను రాబట్టుకోగా… తాజాగా మేకర్స్ ఈ సినిమా నుంచి ‘గు.. గు.. గ్గు’ అనే మాస్ బీట్ సాంగ్‌ ని కొరియోగ్రాఫర్ గణేష్ మాస్టర్ చేతుల మీదుగా విడుదల చేశారు.
Pranayagodari Movie Updates
ఈ పాట విడుదల అనంతరం గణేష్ మాస్టర్ మాట్లాడుతూ… ‘ప్రణయ గోదారి(Pranayagodari)’ సినిమాలోని ‘గు గు గ్గు..’ అనే ప్రత్యేక గీతాన్ని విడుదల చేసినందుకు చాలా హ్యాపీగా ఉంది. ఈ పాట చాలా బాగుంది. ఇందులో హుక్ స్టెప్స్ బాగున్నాయి. ఈ పాట పబ్లిక్‌ లోకి వెళ్లిన తర్వాత ఆ హుక్ స్టెప్స్ రీల్స్ వైరల్ అవడం కాయం. మంచి కంటెంట్‌తో వస్తోన్న ఈ మూవీని అందరూ ఆదరించాలి. విఘ్నేశ్ గారు తెరకెక్కించిన ‘ప్రణయ గోదావరి’ చిత్రం పెద్ద సక్సెస్ అవ్వాలని మనస్ఫూర్తిగా కోరుకుంటున్నానని అన్నారు.
‘గు గు గ్గు..’ అంటూ సాగే ఈ పాటకు మార్కండేయ బాణీ, సాహిత్యం స్పెషల్ అట్రాక్షన్ కానున్నాయి. భార్గవి పిల్లై గాత్రం కుర్రకారుని కట్టి పడేసేలా ఉంది. ఈ సందర్భంగా దర్శకనిర్మాతలు మాట్లాడుతూ.. ఇప్పటి వరకు విడుదలైన కంటెంట్‌ని ఆదరించిన ప్రేక్షకులకు ధన్యవాదాలు. ఇప్పుడు మరో పాటను విడుదల చేశాం. గణేష్ మాస్టర్ ఈ పాటను విడుదల చేసి, టీమ్‌కు శుభాకాంక్షలు తెలిపినందుకు ఆయనకు ధన్యవాదాలు. సినిమాకు సంబంధించి ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. త్వరలోనే ఈ చిత్రానికి సంబంధించిన రిలీజ్ డేట్‌ను ప్రకటిస్తామని తెలిపారు.
Also Read : Jr NTR: తన తల్లితో కలిసి కుందాపురంలో పర్యటించిన జూనియర్ ఎన్టీఆర్ !