SSMB29 : దర్శకధీరుడు రాజమౌళి తన తాజా చిత్రం గురించి అప్డేట్ ఇచ్చారు. మహేశ్‌బాబు హీరోగా ఎస్‌.ఎస్‌.రాజమౌళి దర్శకత్వంలో ఓ యాక్షన్‌ అడ్వెంచర్‌ సినిమా పట్టాలెక్కనున్న సంగతి తెలిసిందే. ప్రస్తుతం చిత్రబృందం దృష్టి అంతా ఈ చిత్రానికి సంబంధించిన ప్రీ ప్రొడక్షన్‌ పనులపైనే ఉంది. ప్రస్తుతం రామోజీ ఫిల్మ్‌సిటీలో ప్రీ ప్రొడక్షన్‌ వర్క్‌ జరుగుతోందని టాక్‌. అయితే ఈ చిత్రం గురించి ఇప్పటిదాకా ఏ విషయం అఫీషియల్‌గా బయటకు రాలేదు. తాజాగా దర్శకుడు రాజమౌళి ఓ అప్డేట్ ఇచ్చారు. సోషల్‌ మీడియా వేదికగా ఎడారి ప్రాంతంలో తిరుగుతున్న ఫొటో షేర్‌ చేసి ‘కనుగొనడం కోసం తిరుగుతున్నా’ అని క్యాప్షన్‌ పెట్టారు. దీంతో ఆయన మహేశ్‌ సినిమా కోసం లొకేషన్స్‌ సెర్చ్‌ చేస్తున్నట్లు అర్థమవుతోంది. త్వరలోనే అప్డేట్ షేర్‌ చేయాలని అభిమానులు కామెంట్లు పెడుతున్నారు. అయితే ఈ చిత్రంలో జంతువులు ఎక్కువగా కనిపిస్తాయి అని ఇటీవల జక్కన్న హింట్‌ ఇచ్చారు. తాజాగా ఆయన పోస్ట్‌ చేసిన ఫొటోలో జంతువుల గుంపు కనిపిస్తోంది. ప్రస్తుతం ఈ ఫొటో నెట్టింట వైరల్‌ అవుతోంది. కనీసం ఇలాగైనా అప్డేట్ ఇచ్చారంటూ అభిమానులు ఆనందిస్తున్నారు.
SSMB29 Movie Updates
ఎస్‌ఎస్‌ఎంబీ 29(SSMB29) వర్కింగ్‌ టైటిల్‌తో తెరకెక్కనున్న ఈ చిత్రంలో మహేశ్‌ సరికొత్త లుక్‌లో కనిపించనున్నారు. ఆ పాత్ర ఇప్పటికే సన్నద్థమయ్యారు. ఈ ప్రాజెక్ట్‌ కోసం రాజమౌళి ఏఐ టెక్నాలజీని వినియోగించనున్నట్లు వార్త?ని వినిపించాయి. దీనికోసం ఆయన ప్రత్యేక శిక్షణ తీసుకుంటున్నట్లు తెగ వైరలైంది. సినిమాలోని కొన్ని పాత్రలు, జంతువుల కోసం ఆయన ఏఐ టెక్నాలజీని ఉపయోగించనున్నారని తెలుస్తోంది. అమెజాన్‌ అడవుల నేపథ్యంలో సాగే ఈ కథలో పలువురు విదేశీ నటులు కనిపించనున్నారు. భారతీయ భాషలతో పాటు విదేశీ భాషల్లోనూ దీనిని అనువదించనున్నారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని నిర్మిస్తున్నారు.
Also Read : Raghava Lawrence : నటుడు, కొరియోగ్రాఫర్ రాఘవ లారెన్స్ 25 వ సినిమా టైటిల్ ఇదే..