Lee Sun Kyun: 92వ ఆస్కార్ విజేత‌గా నిలిచిన పారాసైట్ చిత్రంలో పార్క్ డాంగ్ ఇక్ అనే ధ‌న‌వంతుడి పాత్ర‌లో న‌టించి ప్ర‌పంచ వ్యాప్తంగా పేరు తెచ్చుకున్న లీ సున్ కున్(Lee Sun Kyun) అనుమానాస్పద స్థితిలో ఓ కారులో విగతజీవిగా కనిపించాడు. బుధ‌వారం ఉద‌యం సియోల్ లోని ఓ పార్క్ వద్ద పార్క్ చేసి ఉన్న కారులో అనుమానాస్పద స్థితిలో లీ సున్ కున్ మృతదేహాన్ని అక్కడి పొలీసులు గుర్తించారు. ఇటీవల ఓ బార్ ఉద్యోగితో కలిసి డ్రగ్స్ సేవించిన కేసులో నిందితుడిగా ఉన్న లీ సున్ కున్… మూడు రోజుల నుండి కనిపించడం లేదంటూ అతని భార్య జియోన్ హై జిన్‌ పోలీసులకు ఫిర్యాదు చేసింది. పోలీసులు ఫిర్యాదు స్వీకరించిన కొన్ని గంటలకే లీ సున్ కున్ అనుమానాస్పద స్థితిలో మరణించడంపై పలు అనుమానాలు వ్యక్త మవుతున్నాయి. ఈ నేపథ్యంలో విచారణ ప్రారంభించిన సియోల్ పోలీసులు అతని ఇంట్లో ఓ సూసైడ్ నోట్ ను గుర్తించినట్లు తెలుస్తోంది. అయితే కుటుంబ సభ్యులు, సన్నిహితుల నుండి మాత్రం ఇంకా ఎటువంటి సమాచారం రాలేదు.
Lee Sun Kyun Dead Viral
సడన్‌గా లీ సన్ క్యూన్ కనిపించడం లేదని రెండు మూడు రోజుల క్రితం ఇతడి భార్య కంప్లైంట్ చేసింది. దీంతో ఎక్కడికి వెళ్లాడా అని పోలీసులు దర్యాప్తు చేపట్టారు. అయితే ఇంట్లోనే ఇతడి సూసైట్ నోట్ దొరికింది. అలానే పార్కింగ్ చేసిన కారులో శవమై కనిపించాడు. ఈ విషయాన్ని లీ భార్య పోలీసులు చెప్పింది. అయితే ఇతడు చనిపోయాడా? ఎవరైనా చంపేశారా? అనేది తెలియాల్సి ఉంది.
ప్ర‌ముఖ ద‌క్షిణ కొరియా నటుడు లీ సున్ కున్(Lee Sun Kyun) 92వ ఆస్కార్ విజేత‌గా నిలిచిన పారాసైట్ చిత్రంలో పార్క్ డాంగ్ ఇక్ అనే ధ‌న‌వంతుడి పాత్ర‌లో న‌టించి ప్ర‌పంచ వ్యాప్తంగా పేరు తెచ్చుకున్నారు. అంత‌కుముందు థ్రిల్లర్ హెల్ప్‌లెస్, రొమాంటిక్ కామెడీ జాన‌ర్‌లో వచ్చిన ఆల్ అబౌట్ మై వైఫ్, క్రైమ్ / బ్లాక్ కామెడీగా వచ్చిన ఎ హార్డ్ డే లో పోషించిన పాత్రలతో కొరియాలో ఆగ్ర న‌టుడిగా గుర్తింపు పొందారు. చిన్న‌చిన్న పాత్ర‌లను పోషిస్తూ అగ్ర హీరోగా మారిన లీ సున్ కున్… తోటి న‌టి జియోన్ హై జిన్‌ ను 2009లో పెళ్లి చేసుకున్నాడు. వారికి ఇద్ద‌రు కుమారులు ఉన్నారు. ఇదిలా ఉండ‌గా గ‌త అక్టోబ‌ర్‌లో సియోల్‌లోని ఓ బార్ ఉద్యోగితో కలిసి డ్రగ్స్ తీసుకున్న‌ట్లు వచ్చిన ఆరోప‌ణ‌లపై కేసు నమోదు గా ప్ర‌స్తుతం ఈ కేసు విచారణ దశలో ఉంది. మరోవైపు అదే స‌మ‌యంలో త‌ను న‌టిస్తున్న నో వే ఔట్ అనే టీవీ సిరీస్ నుంచి త‌ప్పించ‌డం లీ సున్ కున్ కాస్త మ‌నోవేద‌న‌కు గురైన‌ట్టు తెలుస్తోంది.
ద‌క్షిణ‌కొరియాలో డ్రగ్స్ కు సంబంధించిన కేసులను అక్కడి ప్ర‌భుత్వం తీవ్ర నేరంగా ప‌రిగ‌ణిస్తుంది. ఇక్కడి దేశీయులు బ‌య‌ట దేశాల‌లో ఉన్న‌ప్పుడు డ్రగ్స్ తీసుకున్నా మ‌ళ్లీ త‌మ దేశానికి వ‌చ్చాక దానిపై స‌మాధానం ఇచ్చుకోవాలనేంతగా క‌ఠినంగా ఇక్కడి చ‌ట్టాలు ఉంటాయి. ఒక‌వేళ డ్రగ్స్ తీసుకున్నది నిజ‌మేఅని తేలితే 5 నుంచి 14 సంవ‌త్స‌రాల వ‌ర‌కు జైలు శిక్ష ప‌డే అవ‌కాశం కూడా ఉంటుంది. ఈ క్ర‌మంలో గ‌త కొన్ని సంవ‌త్స‌రాలుగా హీరో లీ సున్ డ్రగ్స్ తీసుకుంటున్నాడనే ఆరోప‌ణ‌లపై ప‌లుమార్లు విచార‌ణల‌కు హ‌జ‌రై టెస్టులు కూడా చేయించుకున్నాడు. ఈ క్ర‌మంలో లీ సున్ కున్(Lee Sun Kyun) మూడు రోజుల నుండి క‌న‌బ‌డ‌డం లేదని,ఇంట్లో ఓ లెట‌ర్ ల‌భించింద‌ని అతని భార్య జియోన్ హై జిన్‌ పోలీసులకు ఫిర్యాదు చేసింది. పోలీసులు ఈ కేసును ప‌రిశోధిస్తున్న స‌మ‌యంలోనే ఓ పార్కు వద్ద ఆగి ఉన్న కారులో ఆయ‌న మృతదేహాన్ని గుర్తించారు. పోలీసుల స‌మ‌గ్ర విచారణ అనంత‌రం లీ సున్ కున్ ని హ‌త్యా లేక ఆత్మ‌హ‌త్యా అనేది తెలుస్తుంది.
Also Read : Hero Raviteja: ‘ఈగల్’ సినిమా నుండి ‘గల్లంతే’ లిరికల్ సాంగ్ రిలీజ్