Lavanya: టాలీవుడ్‌ లో యంగ్ హీరో రాజ్ తరుణ్… తన మాజీ ప్రియురాలు లావణ్య వ్యవహారంలో రచ్చ కొనసాగుతుంది. కొద్దిరోజుల క్రితం రాజ్ తరుణ్‌పై లావణ్య సంచలన ఆరోపణలు చేసిన విషయం తెలిసిందే. తనను పెళ్లి చేసుకున్న రాజ్ తరుణ్ హీరోయిన్‌ మాల్వీ మల్హోత్రతో ఎఫైర్‌ పెట్టుకుని మోసం చేశాడని తెలిపింది. దీనితో రాజ్ తరుణ్ కూడా లావణ్య(Lavanya)పై పలు ఆరోపణలు చేస్తూ వస్తున్నారు. ప్రస్తుతం వీరి విషయం పోలీసు స్టేషన్ మెట్లెక్కి… న్యాయస్థానం పరిధిలోనికి వచ్చినప్పటికీ… బహిరంగంగా వీరు ఒకరిపై ఒకరు ఆరోపణలు, ప్రత్యారోపణలు చేసుకుంటున్నారు. ఈ నేపథ్యంలో తాజాగా ఒక మీడియా ఛానల్‌ లో నిర్వహించి డిబేట్ లో పాల్గొన్న లావణ్యకు రాజ్ తరుణ్ స్నేహితుడు శేఖర్ భాష మధ్య పెద్ద గొడవే జరిగింది.
Lavanya Case..
లావణ్య వివాదంలో రాజ్ తరుణ్ తరపున తన స్నేహితుడు శేఖర్ భాష పలు ఆధారాలతో మీడియా ముందుకు వచ్చాడు. లావణ్య డ్రగ్స్‌ తీసుకుంటుందని ఆయన తెలిపాడు. చిన్నపిల్లలకు కూడా లావణ్య డ్రగ్స్‌ అమ్మినట్లు మీడియా డిబెట్లో శేఖర్ బాష కామెంట్‌ చేశాడు. దీనితో ఆగ్రహించిన లావణ్య… శేఖర్ పై దాడికి దిగింది. లైవ్‌ రన్‌ అవుతుండగానే శేఖర్ బాషను లావణ్య చెప్పుతో కొట్టింది. దీనితో ఇద్దరూ ఆగ్రహంతో రెచ్చిపోయారు.
అయితే, డ్రగ్స్‌తో తనకు ఎలాంటి సంబంధం లేదని లావణ్య తెలిపింది. కావాలని తనని ఇందులోకి లాగుతున్నారని ఆమె వారించింది. కానీ, ఆమె డ్రగ్స్‌ విక్రయించినట్లు ఆధారాలు ఉన్నాయని అందుకు సంబంధించిన లింక్‌ ఉన్న వ్యక్తి ఇక్కడికి వస్తున్నట్లు ఆయన చెప్పడంతో లావణ్య డిబెట్‌ మధ్యలో నుంచి వెళ్లిపోయింది. ఇలా రోజుకో కొత్త గొడవలతో వీరిద్దరి వ్యవహారం నడుస్తుంది.
Also Read : Kalki 2898 AD: సినిమా టిక్కెట్టుపై బంపర్ ఆఫర్ ప్రకటించిన కల్కీ టీమ్ !