Klimkara Care Taker: మెగాస్టార్ మనుమరాలు క్లీంకారా కేర్ టేకర్ ఎవరో మీకు తెలుసా ?

Klimkara Care Taker: రామ్ చరణ్, ఉపాసనల దంపతుల గారాల పట్టి క్లీంకారా పుట్టిన వేళా విశేషం ఏమో గాని మెగాస్టార్ ఇంట అవార్డుల పంట పండుతోంది. క్లీంకారా పుట్టిన కొన్ని రోజులకే రామ్ చరణ్ నటించిన ఆర్ఆర్ఆర్ సినిమాకు ఆస్కార్ అవార్డు వచ్చింది. మరికొన్ని రోజులకే పుష్ప సినిమాకు గాను అల్లు అర్జున్ కు ఉత్తమ నటుడిగా జాతీయ అవార్డు వచ్చింది. తాజాగా మెగాస్టార్ చిరంజీవికి దేశంలో రెండో అత్యున్నత పౌర పురస్కారం పద్మవిభూషణ్ వచ్చింది. ఇవన్నీ క్లీంకారా ఫ్యామిలో అడుగుపెట్టిన తరువాత రావడంతో మెగా ఫ్యామిలీ ఎంతో సంతోషంగా ఉంది. మరోవైపు క్లీంకారా పుట్టుకతోనే అటు మెగా ఫ్యామిలీకు… ఇటు అపోలో ప్రతాప్ రెడ్డి ప్యామిలీకు గ్రాండ్ డాటర్ గా సెలబ్రెటీ స్టాటస్ ను సంపాదించింది.

Klimkara Care Taker Updates

సినిమాలతో రామ్ చరణ్, అపోలో కార్యకలాపాలతో ఉపాసన బిజీగా ఉండటంతో క్లీంకారాను చూసుకోవడానికి ప్రత్యేకంగా ఓ కేర్ టేకర్ ను పెట్టారు. అయితే సెలబ్రెటీల ఇళ్ళల్లో కేర్ టేకర్లను నియమించడం సర్వసాధారణం కాబట్టి మీడియా కూడా ఇన్నిరోజులు పెద్దగా పట్టించుకోలేదు. అయితే రామ్ చరణ్(Ram Charan), ఉపాసన దంపతులు ఈ మధ్య ఎక్కడికి వెళ్ళినా వెంట క్లీంకారా పాపాయిని కూడా తీసుకెళ్తున్నారు. అయితే క్లీంకారాతో పాటు నర్సు డ్రెస్ వేసుకుని ఓ మహిళ కూడా ఎప్పుడూ ఉంటుంది. క్లీంకారాను చూసుకునేందుకు నియమించిన సాధారణ కేర్ టేకర్ అనుకుని అందరూ లైట్ తీసుకున్నారు. అయితే ఇటీవల సంక్రాంతి వేడుకలకు మెగా ఫ్యామిలీ బెంగుళూరు వెళ్తున్నప్పు ఎయిర్ పోర్ట్ లో ఆ కేర్ టేకర్ ను గుర్తించిన మీడియా… స్పెషల్ ఫోకస్ పెట్టేసరికి చాలా వివరాలు వెలుగులోనికి వస్తున్నాయి.

క్లీంకారాకు కేర్ టేకర్ గా పనిచేస్తున్న ఆ మహిళ పేరు సావిత్రి. అయితే సావిత్రి సాధారణ కేర్ టేకర్ కాదు… గతంలో కరీనా కపూర్ కుమారుడు తైమూర్ అలీఖాన్ కు కేర్ టేకర్ గా పనిచేసింది. ఇదే విషయాన్నిస్వయంగా కరీనా కపూర్ ఓ ఇంటర్వూలో చెప్తూ… కేర్ టేకర్ సావిత్రిని ఆకాశానికి ఎత్తేసింది. దీనితో సావిత్రిని ప్రత్యేకంగా ముంబై నుండి రామ్ చరణ్ – ఉపాసన దంపతులు నియమించుకున్నట్లు తెలుస్తోంది. అంతేకాదు ఆమెకు నెలకు లక్షన్నర జీతం ఇస్తూ… అవసరమైన భోజన, వసతి సౌకర్యాన్ని కూడా కల్పిస్తున్నారు. దీనితో కేర్ టేకర్ సావిత్ర కాస్తా… సెలబ్రెటీ కేర్ టేకర్ గా మారింది. క్లీంకార కాస్త పెద్ద‌ది అయ్యే వ‌ర‌కూ సావిత్ర‌మ్మ బాధ్య‌త‌లు చూసుకోనున్నట్లు తెలుస్తోంది. చ‌ర‌ణ్‌… ఉపాస‌న‌లు డైలీ లైఫ్ లో వాళ్ల బిజీగా ఉండటంతో క్లీంకార ఎదిగే వ‌ర‌కూ చూసుకునేందుకు సావిత్రిని ముంబై నుంచి తీసుకొచ్చిన‌ట్లు తెలుస్తోంది.

Also Read : Ayushmann Khurrana: క్యాన్సర్ ను జయించిన స్టార్ హీరో భార్య !