Kill: దర్శకనిర్మాత కరణ్‌ జోహార్‌ నిర్మాణంలో… నిఖిల్‌ నగేశ్‌ భట్‌ తెరకెక్కించిన చిత్రం ‘కిల్‌’. యువ హీరో లక్ష్య ప్రధాన పాత్ర పోషించిన ఈ సినిమాలో రాఘవ్‌ జుయిల్, ఆశిష్‌ విద్యార్థి, తాన్యా మాణిక్తల ఇతర కీలక పాత్రలు పోషించారు. ఇటీవలే టొరంటో, ట్రిబెకాతో సహా పలు చిత్రోత్సవాల్లో ప్రదర్శితమై విమర్శకుల ప్రశంసలు అందుకున్న ఈ సినిమా శుక్రవారం ప్రేక్షకుల ముందుకు వస్తోంది.
Kill Movie Updates
అయితే ఈ సినిమాని హాలీవుడ్‌లో రీమేక్ చేయనున్నట్టు తాజా సమాచారం. ‘జాన్‌ విక్‌’ ఫ్రాంచైజీలతో అభిమానులను ఆకట్టుకున్న నిర్మాణ సంస్థలు 87 లెవెన్‌ ఎంటర్‌టైన్‌మెంట్, లయన్స్‌గేట్‌ సంయుక్తంగా ఈ సినిమాను హాలీవుడ్ లో రీమేక్ రూపొందించనున్నట్లు తెలుస్తోంది. ఆర్మీ కమాండో అయిన అమ్రిత్‌ తన ప్రియురాలు తులికాను కాపాడేందుకు ప్రత్యర్థులతో రైలులో చేసిన యాక్షన్‌ కథనంతో ఈ సినిమా తెరకెక్కింది. భారతీయ తెరపై మునుపెన్నడూ చూడని యాక్షన్‌ సన్నివేశాలు ‘కిల్‌’లో ఉంటాయని దర్శకుడు తెలిపారు. చిత్రం విడుదల కాకుండానే హాలీవుడ్‌లో రీమేక్‌కి ఎంపికవడం భారతీయ సినిమాకు ఓ మైలురాయి అని సన్నిహితవర్గాలు తెలిపాయి.
Also Read : Sonakshi Sinha: సోనాక్షీ సిన్హా ప్లేస్ కొట్టేసిన మృణాల్ ఠాకూర్ !