Kiara Advani: బాలీవుడ్‌ నటి కియారా అద్వాణి(Kiara Advani)ని అరుదైన అవకాశం వరించింది. ప్రతిష్ఠాత్మక ‘కేన్స్‌ ఫిల్మ్ ఫెస్టివల్‌’లో ఆమె మెరవనున్నారు. రెడ్‌ సీ ఫిల్మ్ ఫౌండేషన్‌ నిర్వహించే విమెన్‌ ఇన్‌ సినిమా గాలా డిన్నర్‌ వేడుకకు భారత్ తరఫున ప్రాతినిథ్యం వహించనున్నారు. వ్యానిటీ ఫెయిర్‌ హోస్ట్‌ చేసే ఈ ఈవెంట్‌ లో వేర్వేరు దేశాలకు చెందిన ఆరుగురు ప్రతిభావంతులైన నటులు పాల్గొననున్నారు. ఈ నెల 18న లా ప్లేజ్ డెస్ పామ్స్‌లో ఈ ఈవెంట్‌ జరగనుంది. గతంలో… ఐశ్వర్యా రాయ్‌, దీపికా పదుకొణె, కంగనా రనౌత్‌, సోనమ్‌ కపూర్‌, ప్రియాంక చోప్రా, పూజా హెగ్డే తదితరులు ఈ చిత్రోత్సవంలో పాల్గొని సందడి చేశారు. ఈసారి శోభిత కూడా పాల్గొననున్నారు.
Kiara Advani..
ఫ్రాన్స్‌ వేదికగా 77వ ఎడిషన్‌ కేన్స్‌ ఫిల్మ్ ఫెస్టివల్‌ మంగళవారం అట్టహాసంగా ప్రారంభమైంది. ‘భారత్ పర్వ్‌’ పేరుతో కేంద్ర సమాచార, ప్రసార మంత్రిత్వ శాఖ ఓ కార్యక్రమాన్ని నిర్వహించనుంది. ‘భారత్ స్టాల్‌’నూ ఏర్పాటు చేయనుంది. సినీ ప్రముఖులతోపాటు పలువురు రాజకీయ నాయకులు హాజరుకానున్నారు. చలన చిత్ర పరిశ్రమలోని ఆర్థిక పరిస్థితులు, సృజనాత్మక ఆలోచనలు వెలికి తీసే అంశాల గురించి చర్చించనున్నారు. మే 25 వరకు జరగనున్న ఈ ఫెస్టివల్‌లో 20వ తేదీన ‘కన్నప్ప’ టీజర్‌ని విడుదల చేయనున్నారు. మంచు విష్ణు హీరోగా దర్శకుడు ముఖేశ్‌ కుమార్‌ సింగ్‌ తెరకెక్కిస్తున్న పాన్‌ ఇండియా చిత్రమిది. ఇందులో ప్రభాస్, అక్షయ్‌కుమార్‌, మోహన్‌లాల్‌ తదితరులు కీలక పాత్రలు పోషించారు.
Also Read : Fatima Sana Shaikh: జిమ్ వర్కౌట్స్ తో కుర్రకారుని హీటెక్కిస్తున్న `దంగ‌ల్` బ్యూటీ !