Kanguva: కోలీవుడ్ స్టార్ హీరో సూర్య నటిస్తున్న తాజా పాన్ ఇండియా సినిమా ‘కంగువా(Kanguva)’. స్టూడియో గ్రీన్, యూవీ క్రియేషన్స్ సంయుక్తంగా నిర్మిస్తున్న ఈ సినిమాకు వేదాళం, వివేగం, విశ్వాసం, అన్నాత్తే వంటి సూపర్ హిట్ సినిమాల డైరెక్టర్ శివ (సిరుతై శివ) దర్శకత్వం వహిస్తున్నారు. పీరియాడికల్‌ డ్రామాగా తెరకెక్కిస్తున్న ఈ సినిమాలో దిశా పఠానీ హీరోయిన్ గా, బాబీ డియోల్ విలన్ పాత్రలో, జగపతి బాబు, యోగిబాబు, కోవై సరళ తదితరులు కీలక పాత్ర పోషిస్తున్నారు. ప్రపంచ వ్యాప్తంగా 38 భాషల్లో విడుదల చేస్తున్నట్లు ఇప్పటికే చిత్ర నిర్మాణ సంస్థ ప్రకటించింది. దీనితో ఈ సినిమాపై భారీగా అంచనాలు ఉన్నాయి.
Kanguva Telugu Trailer…
ఈ సినిమా అనౌన్స్‌మెంట్ నుంచి ఇప్పటి వరకు వచ్చిన ప్రతి అప్డేట్ సినిమాపై భారీగా అంచనాలను పెంచేస్తోంది. ఇప్పటికే ఈ సినిమా నుంచి విడుదల చేసిన విజువల్స్, మూవీ గ్లింప్స్‌, సాంగ్స్‌, టీజర్‌లకు ప్రేక్షకుల నుంచి అనూహ్య స్పందన వచ్చిన విషయం తెల్సిందే. ఈ నేపథ్యంలో సోమవారం త‌మిళ ట్రైలర్ రిలీజ్ చేయ‌గా అదిరిపోయే రెస్పాన్స్ వ‌చ్చింది. ఈ క్ర‌మంలో తాజాగా మంగ‌ళ‌వారం రోజున తెలుగు ట్రైల‌ర్‌ను విడుదల చేశారు.
‘కంగువా(Kanguva)’ ట్రైలర్ విష‌యానికి వ‌స్తే.. బ‌ల‌మైన క‌థ‌తోనే ఈ సినిమా తెర‌కెక్కిన‌న్న‌ట్లుగా తెలుస్తుండ‌గా, న‌టీన‌టుల యాక్టింగ్ ఓ రేంజ్‌లో ఉంది. విజువల్స్ అయితే మైండ్‌బ్లోయింగ్ ఉన్నాయి. ట్రైలర్ ప్రారంభ‌మే ఓ మహిళ వాయిస్‌ తో మొదలవ‌గా.. సూర్య ఓ డిఫరెంట్‌ లుక్‌లో కనిపించాడు. బాబీ డియోల్, సూర్యల డైలాగులు, దేవీశ్రీ ప్రసాద్‌ సంగీతం హైలెట్‌గా ఉన్నాయి. సూర్య స‌ర‌స‌ర దిశా పటానీ క‌థానాయిక‌గా, ప్రతి నాయకుడిగా బాబీ డియోల్ తమ యాక్టింగ్‌తో అందరగొట్టేశారు. సూర్య దాదాపు మూడేండ్ల త‌ర్వాత వ‌స్తున్న చిత్రమ‌వ‌డం, తాజాగా రిలీజ్ చేసిన ట్రైలర్ హాలీవుడ్ స్థాయిలో ఉండ‌డంతో ఈ సినిమాపై ఒక్కసారిగా భారీ అంచనాలు పెరిగిపోయాయి. తమిళం, తెలుగు, కన్నడ, మలయాళం, ఇంగ్లీష్‌ సహా ఏకంగా పదికి పైగా భాషల్లో రూపుదిద్దుకుంటున్న ఈ సినిమాను దసరా కానుకగా అక్టోబరు 10వ తేదీన విడుదల చేస్తున్నారు.
Also Read : Taal: ‘తాల్‌’ సినిమాకు 25 ఏళ్ళు ఆసక్తికర విషయాలను వెల్లడించిన అనిల్ కపూర్ !