Jani Master: జానీ మాస్టర్ ప్రతిభను ప్రోత్సహించేవారని, ఎవరికైనా అవకాశాల్లేకుండా ఆయనెందుకు చేస్తారని అతని భార్య సుమలత అలియాస్‌ ఆయేషా స్పష్టం చేసారు. అటువంటి తన భర్తపై ఓ అసిస్టెంట్ కొరియోగ్రాఫర్ ఫిర్యాదు చేసి, లైంగిక వేధింపుల కేసులో అరెస్ట్ చేయడం దారుణమని ఆమె మండిపడ్డారు. అంతేకాదు తన భర్త తప్పు చేసినట్లు నిరూపిస్తే… అంతడ్ని వదిలేస్తానంటూ ఆమె సంచలన వ్యాఖ్యలు చేసారు. ఓ మహిళా అసిస్టెంట్ కొరియోగ్రాఫర్ ఇచ్చిన ఫిర్యాదు మేరకు జానీ మాస్టర్(Jani Master)ను పోలీసులు గురువారం అరెస్ట్ చేసిన సంగతి తెలిసిందే.
Jani Master Wife Comment
ఈ సందర్భంగా ఓ మీడియా ఛానెల్ కు ఇచ్చిన ఇంటర్వూలో జానీ మాస్టర్ భార్య ఆయేషా మాట్లాడుతూ… ‘‘కొరియోగ్రాఫర్‌గా అగ్ర స్థానంలో ఉండాలి లేదా హీరోయిన్‌ గా స్థిరపడాలనేది ఆ అమ్మాయి, ఆమె తల్లి కోరిక. స్టేజ్‌ షోల నుంచి వచ్చిన ఆమె సినీ రంగాన్ని చూసి ఆ లగ్జరీ లైఫ్‌ కావాలని కోరుకునేది. తనకెక్కువ ప్రాముఖ్యత ఇవ్వాలని చూస్తుంటుంది. మైనర్‌ గా ఉన్నప్పుడు ఘటన జరిగిందనడానికి సాక్ష్యమేంటి ? జానీ మాస్టర్ తో సాన్నిహిత్యంగా ఉందని ఎవరైనా చూశారా ? ఇప్పటి వరకూ ఆ అమ్మాయి బయటకొచ్చి మాట్లాడిందా ? అన్యాయం జరిగిందని ఫిర్యాదు చేసినప్పుడు మాట్లాడటానికి ఏమైంది ?
ఒకవేళ లైంగిక వేధింపులకు గురైతే… ‘జానీ మాస్టర్ వద్ద పని చేయడం నా అదృష్టం’ అని నవ్వుతూ ఎందుకు చెబుతుంది. ఆ మాట చెప్పినప్పుడు ఆమె ఇబ్బంది పడినట్టు కనిపించలేదు. హైదరాబాద్‌లో.. అసోషియేషన్‌ కార్డు పొందేందుకు ఆమె దగ్గర డబ్బులేకపోతే.. మాస్టర్ ముంబయిలో ఇప్పించారు. తాను పని చేసిన సినిమాలో కొరియోగ్రాఫర్‌గా అవకాశం కూడా ఇచ్చారు’’ అని అన్నారు.
Also Read : Saiee Manjrekar: 37 ఏళ్ల పెద్ద హీరోతో తొలి సినిమా ! మొదటి సారి స్పందించిన సయీ మంజ్రేకర్‌ !