మ‌ల‌యాళ ముద్దుగుమ్మ హానీ రోజ్ హాట్ టాపిక్ గా మారారు. అందం, అభిన‌యానికి పెట్టింది పేరు ఈ ముద్దుగుమ్మ. న‌ట సింహం నంద‌మూరి బాలయ్య బాబుతో క‌లిసి న‌టించింది వీర సింహా రెడ్డి మూవీలో. త‌ళుక్కున మెరిసిన హానీ రోజ్ మరో సినిమాలో ఐటం సాంగ్ లో న‌టించ‌నుంద‌ని టాలీవుడ్ లో జోరుగా ప్ర‌చారం జ‌రుగుతోంది.
ఆమెకు చాలా ముద్దు పేర్లు ఉన్నాయి. వాటిలో ధ్వ‌ని హంసిని, పొన్ను అని. ప్ర‌స్తుతం న‌టిగా కొన‌సాగుతోంది. దీపం ఉండ‌గానే ఇల్లు చ‌క్క బెట్టు కోవాల‌నే నానుడిని నిజం చేస్తోంది. హ‌నీ రోజ్ పూర్తి పేరు హ‌నీ రోజ్ వ‌ర‌గేసే.
తన సినీ కెరీర్ ను హ‌నీ రోజ్ మ‌ల‌యాళంలో 2005లో స్టార్ట్ చేసింది. తన తొలి చిత్రం బాయ్ ఫ్రెండ్ . ప్ర‌స్తుతం మ‌ల‌యాళంతో పాటు త‌మిళం, క‌న్న‌డ, తెలుగు సినిమాల‌లో న‌టించింది. ఇక తెలుగు వ‌ర‌కు చూస్తే ఆల‌యం, ఈ వ‌ర్షం సాక్షిగా సినిమాల‌లో న‌టించినా వీర సింహారెడ్డిలో హీరోయిన్ గా మెరిసింది ఈ ల‌వ్లీ బ్యూటీ.
తాజాగా విశ్వ‌క్ సేన్ మూవీలో స్పెష‌ల్ సాంగ్ లో న‌టించేందుకు ఒప్పుకున్న‌ట్లు టాక్. సుకుమార్ ద‌ర్శ‌క‌త్వంలో వ‌చ్చిన పుష్ప‌లో స‌మంత త‌ళుక్కున మెరిసింది. ఊ అంటావా ఒకే ఒక్క పాట‌తో పాన్ ఇండియా హీరోయిన్ గా నిలిచింది. మ‌రి హ‌నీ రోజ్ కూడా అలా అవుతుందేమో చూడాలి.