Hesham Abdul Wahab : ప్ర‌ముఖ సంగీత ద‌ర్శ‌కుడు హేష‌మ్ అబ్దుల్ వాహాబ్ ఆసక్తికర వ్యాఖ్యలు చేశారు. ఆయ‌న తాజాగా శివ నిర్వాణ ద‌ర్శ‌క‌త్వం వ‌హించిన ఖుషీ మూవీకి అందించిన సంగీతం దుమ్ము రేపుతోంది. యావ‌త్ భార‌త దేశాన్ని త‌న పాట‌ల‌తో మైమ‌రిచి పోయేలా చేశాడు. దీంతో నిన్న‌టి దాకా అంత‌గా లైమ్ లైట్ లోకి రాని హేష‌మ్ అబ్దుల్ వాహాబ్ ఇప్పుడు టాప్ రేంజ్ లోకి వ‌చ్చేశాడు.
Hesham Abdul Wahab Comments Viral
త‌న పేరెంట్స్ ది కేర‌ళ. కానీ మ‌నోడు దుబాయ్ లో పుట్టాడు. క‌ర్నాట‌క, హిందూస్థానీ రాగాల‌ను అవ‌పోస‌న ప‌ట్టాడు. ఆపై చిన్న‌ప్ప‌టి నుంచే సంగీతం ప‌ట్ల మ‌క్కువ పెంచుకున్నాడు. త‌ను సంగీతం అందించిన మ‌ల‌యాళంలో వ‌చ్చిన హృద‌యం రికార్డులను తిర‌గ రాసింది.
ఘ‌ర్ష‌ణా అంటూ త‌ను పాడిన పాట కోట్లాది మంది హృద‌యాల‌ను కొల్ల‌గొట్టింది. ప్ర‌స్తుతం ఖుషీ చిత్రం సెప్టెంబ‌ర్ 1న విడుద‌లై ప్ర‌పంచ వ్యాప్తంగా కాసులు కొల్ల‌గొడుతోంది. మ్యూజిక‌ల్ బ్లాక్ బ‌స్ట‌ర్ గా నిలిచింది. దీంతో మీడియాతో మాట్లాడారు హేష‌మ్ అబ్దుల్ వాహాబ్(Hesham Abdul Wahab). త‌న‌కు ఛాన్స్ ఇచ్చిన డైరెక్ట‌ర్ శివ నిర్వాణ‌కు, మైత్రీ మూవీ మేక‌ర్స్ నిర్మాత‌ల‌కు, ప్ర‌త్యేకించి హీరో హీరోయిన్లు విజ‌య్ దేవ‌ర‌కొండ, స‌మంత‌కు తాను ధ‌న్య‌వాదాలు తెలియ చేసుకుంటున్నాన‌ని చెప్పాడు.
ఈ సంద‌ర్భంగా త‌న‌కు మ‌ల‌యాళం త‌ర్వాత టాలీవుడ్ తెగ న‌చ్చేసింద‌ని పేర్కొన్నాడు.
Also Read : Jawan Advance Booking : అడ్వాన్స్ బుకింగ్స్ అదుర్స్