ROPO22 : ‘ఉస్తాద్‌’ రామ్ పోతినేని హీరోగా మైత్రి మూవీ మేకర్స్ సంస్థ ‘మిస్‌ శెట్టి మిస్టర్ పోలిశెట్టి’ డైరెక్టర్ మహేష్‌బాబు దర్శకత్వంలో ఓ మూవీ తెరకెక్కిస్తున్న విషయం తెలిసిందే. కాగా, ఈ సినిమా పూజ కార్యక్రమం నవంబర్ 21న హైదరాబాద్ లో జరగనుంది. అయితే ఇప్పటి వరకు ఈ సినిమా ఇతర క్యాస్టింగ్, టెక్నీషియన్స్ వివరాలు బయటకు రాలేదు. తాజాగా ఈ సినిమాలో హీరోయిన్ ని మేకర్స్ పరిచయం చేసేశారు.
ROPO22 Movie Updates
వరుసగా యాక్షన్ ఫిలిమ్స్ చేస్తూ.. రామ్(Ram Potheneni) బొక్కాబోర్లాపడ్డారు. దీంతో ఆయన ఈ సారి రూట్ మార్చినట్లు తెలుస్తోంది. ఈ క్రమంలోనే ఈ సినిమాని చాలా ప్రెస్టీజియస్‌గా తీసుకున్నారు. ఈ క్రమంలోనే మూవీలో హీరోయిన్‌గా యంగ్ అండ్ హ్యాపెనింగ్ బ్యూటీ భాగ్యశ్రీ బోర్సే‌ని ఎంపిక చేశారు. ‘మిస్టర్ బచ్చన్’తో టాలీవుడ్ ఇండస్ట్రీకి ఇంట్రడ్యూస్ అయినా ఈ బ్యూటీ మొదటి సినిమాతో గ్లామర్ తో పాటు యాక్టింగ్ చేయగల నటిగా పేరు తెచ్చుకుంది. రామ్(Ram Potheneni), భాగ్యశ్రీ జంటగా రూపొందుతున్న మొదటి చిత్రమిది. వాళ్ళిద్దరి పెయిర్, సీన్స్ సినిమా హైలైట్స్‌లో ఒకటి అవుతాయని యూనిట్ అంటోంది.
‘మిస్శెట్టి మిస్టర్ పోలిశెట్టి’లో దర్శకుడు మహేష్ బాబు. పి సున్నితమైన వినోదంతో పాటు చక్కటి సందేశంతో ఈ సినిమాని రూపొందించనున్నారు. భావోద్వేగాలను హృద్యంగా ఆవిష్కరించనున్నట్లు తెలుస్తోంది. ఈ సినిమానూ యూత్, ఫ్యామిలీ, ఆడియన్స్ అందరూ మెచ్చే కథతో తెరకెక్కించనున్నారు. నవంబర్ 21న పూజ జరిగిన తర్వాత ఇతర నటీనటులు, సాంకేతిక నిపుణుల వివరాల వెల్లడించనున్నారు.
Also Read : Bhagyashri Borse : మరో క్రేజీ ఛాన్స్ కొట్టేసిన మిస్టర్ బచ్చన్ హీరోయిన్