Hero Nithin: అసిస్టెంట్ డైరెక్టర్ గా సినీ జీవితాన్ని ప్రారంభించి నేచురల్ స్టార్ గా గుర్తింపు పొందిన నటుడు నాని. నిర్మాత కొడుకుగా టాలీవుడ్ లో ఎంట్రీ ఇచ్చి సక్సెస్ ఫుల్ హీరోగా కొనసాగుతున్న నటుడు నితిన్. అయితే నాని నటించిన ‘హాయ్ నాన్న’… నితిన్(Nithin) నటించిన ‘ఎ క్స్‌ట్రా – ఆర్డినరీ మేన్’ కేవలం 24 గంటల వ్యవధిలో విడుదల కాబోతున్నాయి. అయితే హీరోల మధ్య స్నేహపూర్వక వాతావరణం ఉన్నప్పటికీ… ఈ రెండు సినిమాల మధ్య గట్టి పోటీ నడుస్తోంది. అభిమానులు మాత్రం తమ హీరో సినిమా హిట్ కావాలంటే… తమ హీరో సినిమా హిట్ కావాలని సోషల్ మీడియాలో పోస్టులు పెడుతున్నారు. ఈ నేపథ్యంలో అభిమానుల సోషల్ మీడియా వార్ కు చెక్ పెట్టేందుకు హీరో నితిన్(Nithin)… నానితో తనకు ఉన్న అనుబంధాన్ని పంచుకున్నారు.
Hero Nithin – 24 గంటల వ్యవధిలో విడుదలవుతున్న నాని-నితిన్ సినిమాలు
నితిన్ హీరోగా నటించిన సినిమాకు నాని అసిస్టెంట్ డైరక్టర్ గా పనిచేయడంతో… ఆ టైమ్ లో వారిద్దరి మధ్య జరిగిన కొన్ని సంఘటనల్ని నితిన్ గుర్తు చేసాడు. ఈ సందర్భంగా నితిన్ మాట్లాడుతూ “నేను అల్లరి బుల్లోడు సినిమా చేసినప్పుడు నాని అసిస్టెంట్ డైరక్టర్. ఆ టైమ్ లో సెట్ లో మాట్లాడుకునేది మేమిద్దరమే. అప్పుడు నాని నన్ను నితిన్(Nithin) అని పేరుపెట్టి పిలిచేవాడు. అది నాకు బాగా నచ్చింది. ఎందుకంటే… అప్పట్లో హీరోల్ని బాబు… బాబు… అని పిలిచేవారు. నాకు అలా పిలిస్తే చిరాకు. ఓ టైమ్ లో నానీని ప్రొడ్యూసర్ పక్కకు పిలిచి హీరోను అలా పేరు పెట్టి పిలవకూడదని హెచ్చరించారు కూడా. కానీ నేను నానిని పిలిచి వాళ్లు అలానే అంటారు… నువ్వు మాత్రం నన్ను నితిన్ లేదా నిట్స్ అని పిలవమని కోరాను. ఈ సినిమా సెట్ మొత్తంలో ఓ అసిస్టెంట్ డైరక్టర్ నన్ను నిట్స్ అని పిలిచింది నాని ఒక్కడే” అంటూ తమ అనుబంధాన్ని నితిన్ గుర్తు చేసాడు. దీనితో ఇద్దరు హీరోల అభిమానులు కూడా చాలా పాజిటివ్ గా స్పందిస్తున్నారు.
సీతారామం-బింబిసార ఫలితాలు తమ సినిమాలకు వస్తాయని నితిన్ ఆశాభావం
అయితే నానితో నితిన్… బాక్సాఫీస్ పోటీ ఇదేం తొలిసారి కాదని తెలుస్తోంది. గతంలో నాని-నితిన్ నటించిన సినిమాలు ఒకే రోజు రిలీజ్ అయ్యాయి. అయితే ఆ రెండూ సినిమాలు ఫ్లాప్ కావడంతో పెద్దగా చర్చ జరగలేదు. ఈ సారి మాత్రం వీరిద్దరూ ఎక్స్ ట్రా ఆర్డినరీ మేన్, హాయ్ నాన్న సినిమాలు రెండూ సక్సెస్ అవుతాయని అంటున్నారు. అంతేకాదు ఇటీవల ఒకే రోజు విడుదలై హిట్ కొట్టిన సీతారామం, బింబిసార సినిమాలను ఉదహరిస్తున్నారు. వీటి బాటలోనే హాయ్ నాన్న నానికి ఓ సీతారామం… ఎక్స్ ట్రా ఆర్డినరీ మేన్ తనకు ఓ బింబిసార కాబోతుందంటూ నితిన్ చమత్కరించారు.
Also Read : Ravi Teja: రవితేజ ‘రాజా ది గ్రేట్’ సీక్వెల్ కు ఫ్యాన్స్ డిమాండ్