Gamma Awards: టాలీవుడ్ గర్వపడేలా ‘గామా(Gamma Awards)’ తెలుగు మూవీ అవార్డ్స్ 4th ఎడిషన్ ను నిర్వహిస్తామని గామా అవార్డ్స్ చైర్మన్ కేసరి త్రిమూర్తులు స్పష్టం చేసారు. ఏఎఫ్ఎం ప్రాపర్టీస్ సారధ్యంలో నిర్వహిస్తున్న ఈ అవార్డ్స్ ఫంక్షన్ ను దుబాయ్ వేదికగా నిర్వహిస్తున్నామన్నారు. గామా అవార్డ్స్ 4th ఎడిషన్ కు సంబంధించిన కర్టెన్ రైజర్ కార్యక్రమాన్ని శుక్రవారం హైదరాబాద్‌లో నిర్వహించారు. ఈ కార్యక్రమంలో పలువురు ప్రముఖులు పాల్గొని… వేడుకకు సంబంధించిన వివరాలను తెలియజేశారు. ఈ సందర్భంగా ‘గామా’ అవార్డ్స్ జ్యూరీ చైర్మన్, మ్యూజిక్ డైరెక్టర్ కోటి, జ్యూరీ సభ్యులు విఎన్ ఆదిత్య, రఘు కుంచె, నిర్మాత డీవీవీ దానయ్య, దర్శకులు సాయి రాజేష్, ప్రసన్న, హీరోయిన్ డింపుల్ హయాతి, గామా అవార్డ్స్ సీఈఓ సౌరభ్, ఏఎఫ్ఎం ప్రాపర్టీస్ సుశీల్, ఫణి మాధవ్ కలిసి ఈ అవార్డుకు సంబంధించిన ట్రోఫీని లాంచ్ చేశారు.
Gamma Awards Update
ఈ సందర్భంగా సంగీత దర్శకుడు కోటి మాట్లాడుతూ… గతంలో అంగరంగ వైభవంగా నిర్వహించిన గామా అవార్డ్స్ కు అదిరిపోయే రెస్పాన్స్ వచ్చింది. మధ్యలో మూడేళ్ల పాటు కోవిడ్, ఇతర కారణాలతో ఈ వేడుకను నిర్వహించలేకపోయారు. కానీ ఈసారి టాలీవుడ్‌లోనే అత్యంత ప్రతిష్టాత్మకంగా ఈ అవార్డ్స్ వేడుకను నిర్వహించబోతున్నాము. 2021, 2022, 2023 లో విడుదలైన చిత్రాలనుంచి – బెస్ట్ యాక్టర్(మేల్, ఫిమేల్), బెస్ట్ మూవీ డైరెక్టర్, బెస్ట్ మ్యూజిక్ డైరెక్టర్, బెస్ట్ సింగర్ (మేల్, ఫిమేల్), బెస్ట్ బ్యాక్ గ్రౌండ్ స్కోర్, బెస్ట్ లిరిక్స్, బెస్ట్ సెలబ్రిటీ సింగర్ వంటి వివిధ కేటగిరీలకు అవార్డ్స్ అందజేయనున్నాం. తెలుగు చిత్ర పరిశ్రమ నుంచి అతిరథ మహారధులు ఈ కార్యక్రమానికి హాజరవుతున్నారని చెప్పారు. ఈ సందర్భంగా దర్శకుడు విఎన్ ఆదిత్య మాట్లాడుతూ… ఈ జ్యూరీలో సభ్యుడిగా ఉండడం చాలా ఆనందంగా ఉందని… కొత్త టాలెంట్‌ను ఎంకరేజ్ చేయడానికి త్రిమూర్తులు నిర్వహిస్తున్న ఈ వేడుక తెలుగు చిత్ర పరిశ్రమకు గర్వకారణంగా నిలుస్తుందన్నారు. చాలా జెన్యూన్‌ గా అవార్డు వేడుకను నిర్వహించబోతున్నామని అన్నారు.
గామా(Gamma Awards) అవార్డ్స్ సీఈవో సౌరభ్ మాట్లాడుతూ… వేలాదిమంది తెలుగు, తమిళ, మళయాల సినీ ప్రేమికుల మధ్య… దుబాయ్‌లో ఈ గామా వేదిక‌ను గొప్పగా నిర్వహించేలా ఏర్పాట్లు చేస్తున్నాం. నేషనల్ అవార్డ్ విన్నర్ ఐకాన్ స్టార్ అల్లు అర్జున్, జూనియర్ ఎన్టీఆర్, రామ్ చరణ్ సహా టాలీవుడ్ ప్రముఖులందరినీ ఈ వేడుకకు ఆహ్వానించాం. ఆస్కార్ పురస్కారం అందుకున్న కీరవాణి, చంద్రబోస్‌ ల‌కు ప్రత్యేకంగా ‘గామా గౌరవ్ సత్కార్’తో పాటు, ప్రఖ్యాత గాయకులు SP బాలసుబ్రహ్మణ్యం స్మృతిగా ‘గామా SPB గోల్డెన్ వాయిస్ అవార్డు’ను గాయకులు మనోకి అందిస్తున్నామని గామా అవార్డ్స్ దర్శకులు ప్రసన్న పాలంకి తెలియజేశారు. ఈ కార్యక్రమానికి ముఖ్య అతిథులుగా దర్శకులు సుకుమార్, బాబీ, బుచ్చిబాబు సానా, మైత్రి మూవీ మేకర్స్ నిర్మాత నవీన్, సంగీత దర్శకులు.. దేవి శ్రీ ప్రసాద్, ఎస్ ఎస్ తమన్, ఎం ఎం శ్రీలేఖ, రఘు కుంచె, అనూప్ రుబెన్స్, గాయకులు… మనో, ధనుంజయ్.. ఇంకా ఎందరో సినీ హీరోలు, హీరోయిన్లు, డైరెక్టర్లు, ప్రొడ్యూసర్లు, గాయనీ గాయకులు, కమెడియన్లు పాల్గొననున్నారని నిర్వాహకులు తెలిపారు.
Also Read : Shaitaan: థ్రిల్లింగ్‌ ఎక్స్‌పీరియన్స్‌ తో ఆకట్టుకుంటోన్న ‘షైతాన్‌’ ట్రైలర్‌ !