Vettaiyan: సూపర్ స్టార్ రజినీకాంత్ హీరోగా రూపొందుతోన్న భారీ బ‌డ్జెట్ చిత్రం ‘వేట్టైయాన్(Vettaiyan)’. ఈ చిత్రానికి జై భీమ్ ఫేం టీజే జ్ఞానవేల్ దర్శకత్వం వహిస్తున్నారు. ప్రముఖ నిర్మాణ సంస్థ లైకా ప్రొడ‌క్ష‌న్స్ బ్యాన‌ర్‌పై రూపొందుతోన్న నాలుగో సినిమాలో బాలీవుడ్ మెగాస్టార్ అమితాబ్ బ‌చ్చ‌న్ కీలక పాత్ర పోషిస్తున్నారు. మంజు వారియర్, ఫ‌హాద్ ఫాజిల్, రానా ద‌గ్గుబాటి, రితికా సింగ్, దుష‌రా విజ‌య‌న్, రోహిణి, అభిరామి త‌దిత‌రులు ఇత‌ర కీలక పాత్ర‌ల్లో న‌టిస్తున్నారు. ఆడియెన్స్‌కు స‌రికొత్త సినిమాటిక్ ఎక్స్‌పీరియెన్స్‌ను ఇవ్వ‌టానికి సిద్ధ‌మ‌వుతోన్న ఈ సినిమాను పాన్ ఇండియాగా త‌మిళ, తెలుగు, హిందీ, క‌న్న‌డ భాషల్లో ప్రపంచ వ్యాప్తంగా అక్టోబ‌ర్ 10న భారీ ఎత్తున విడుదల చేస్తున్నారు. తెలుగు రిలీజ్ హ‌క్కుల‌ను ఏషియ‌న్ సురేష్ ఎంట‌ర్‌టైన్మెంట్స్ ఎల్ఎల్‌పి, సీడెడ్ హ‌క్కుల‌ను శ్రీల‌క్ష్మి మూవీస్ సంస్థ‌లు ద‌క్కించుకున్నాయి.
Vettaiyan Movie Updates
‘రోబో 2.0, ద‌ర్బార్‌, లాల్ స‌లామ్’ వంటి బ్లాక్ బ‌స్ట‌ర్ చిత్రాల త‌ర్వాత రజినీకాంత్, లైకా ప్రొడ‌క్ష‌న్స్ క‌ల‌యిక‌లో రాబోతున్న నాలుగో సినిమా ‘వేట్టైయాన్(Vettaiyan)’. అలాగే పేట, ద‌ర్బార్‌, జైల‌ర్ చిత్రాల‌కు పుట్ స్టాపింగ్ ట్యూన్ అందించి మెప్పించిన మ్యూజిక్ డైరెక్ట‌ర్ అనిరుద్ ర‌విచంద‌ర్ నాలుగోసారి రజినీకాంత్ వేట్టైయాన్ సినిమాకు మ్యూజిక్ అందిస్తున్నారు. దీనితో ఈ సినిమాతో పాటు మ్యూజిక్ పై భారీగా అంచనాలు ఉన్నాయి.
ఈ నేపథ్యంలో ఈ మూవీ నుంచి ‘మనసిలాయో..’ మెరుపై వచ్చిండే.. మడత పెట్ట వచ్చిండే.. మనసు పెట్టి వచ్చిండే.. అంటూ ప‌క్కా మాస్ బీట్‌ తో సాగే ఫస్ట్ సింగిల్ ని మేకర్స్ సోమ‌వారం విడుదల చేశారు.‘మనసిలాయో..’ అంటూ సాగే ఈ పాట వింటుంటే ఎన‌ర్జిటిక్ బీట్‌తో సాగుతుంది. రజినీకాంత్, మంజు వారియర్ మ‌ధ్య సెల‌బ్రేష‌న్‌ లో వ‌చ్చే పాటగా చిత్రీక‌రించారు. ఈ పాటలో మ్యూజిక్ డైరెక్ట‌ర్ అనిరుద్ సైతం స్టెప్పులేస్తూ క‌నిపించ‌టం విశేషం. సూపర్ స్టార్ రజినీకాంత్ ఇమేజ్‌కు త‌గ్గ‌ట్టు ఆయ‌న అభిమానులు స‌హా అంద‌రినీ దృష్టిలో పెట్టుకుని అనిరుధ్ మ‌రోసారి త‌న‌దైన పంథాలో బాణీల‌ను అందించిన‌ట్లు ‘మనసిలాయో..’ అనే పాట‌ను వింటుంటే తెలుస్తోంది. శ్రీనివాస మౌళి రాసిన ఈ పాట‌ను న‌క‌ష్ అజీజ్‌, అరుణ్ కౌండిన్య, దీప్తి సురేష్ పాడారు. ఆస‌క్తిక‌ర‌మైన మ‌రో విష‌య‌మేమంటే ఈ పాట త‌మిళ వెర్ష‌న్ కోసం లెజెండ్రీ ప్లే బ్యాక్ సింగ్ మ‌లేషియా వాసుదేవ‌న్ వాయిస్‌ ను ఏఐలోక్రియేట్ చేసి ఇందులో ఉప‌యోగించటం విశేషం. తాజాగా రిలీజైన లిరికల్ సాంగ్ తలైవా ఫ్యాన్స్‌ను ఓ ఊపు ఊపేస్తోంది.
Also Read : GOAT Collections : భారీ వసూళ్లతో బాక్సాఫీస్ ను షేక్ చేస్తున్న విజయ్ ‘గోట్’ సినిమా