Director Sankar: స్టార్ డైరెక్టర్ శంకర్ దర్శకత్వంలో కమల్ హాసన్ డబుల్ యాక్షన్ లో 1996లో నిర్మించిన సినిమా ‘భారతీయుడు ‘ (తమిళంలో ‘ఇండియన్’). అప్పట్లో ఈ సినిమా ఓ సన్సేషన్. స్వాతంత్ర సమరయోధుడిగా, అవినీతిని అన్యాయాన్ని వ్యతిరేకించే భారతీయుడిగా కమల్ హాసన్ నటన అద్భుతం. ఇక ఈ సినిమాతో శంకర్(Director Sankar) తన సాంకేతిక పరిజ్ఞానాన్ని ప్రేక్షకులకు పరిచయం చేశారు. మనీషా కొయిరాల అందాలు ఎ.ఆర్.రెహమాన్ సంగీతం సినిమాకు మరో హైలైట్ గా నిలిచాయి. దీనితో సుమారు 27 ఏళ్ళ తరువాత భారతీయుడు సినిమాకు సీక్వెల్ గా శంకర్-కమల్ హాసన్ కాంబినేషన్ లో తెరకెక్కిస్తున్న భారీ బడ్జెట్ సినిమా ‘భారతీయుడు 2’ (తమిళంలో ‘ఇండియన్ 2’).
Director Sankar Movie Updates
లైకా ప్రొడక్షన్స్‌, రెడ్‌ జెయింట్‌ మూవీస్‌ సంస్థలు సంయుక్తంగా నిర్మిస్తున్న ఈ సినిమాలో కాజల్‌, సిద్ధార్థ్‌, రకుల్‌ ప్రీత్‌ సింగ్‌, ఎస్‌.జె.సూర్య తదితరులు కీలక పాత్రలు పోషిస్తున్నారు. ఆర్.రత్నవేలు, రవి వర్మ సినిమాటోగ్రాఫర్లుగా వ్యవహరిస్తున్న ఈ సినిమాకు అనిరుధ్‌ సంగీతమందిస్తున్నారు. అయితే ఈ సినిమా షూటింగ్ ను పూర్తి చేసినట్లు చిత్ర యూనిట్ ఇటీవల తన సోషల్ మీడియా వేదికగా ప్రకటిచింది. ప్రస్తుతం ఈ సినిమాకు సంబంధించిన పోస్ట్ ప్రొడక్షన్ పనులు శరవేగంగా జరుగుతున్నాయి. ఈ సినిమాను వేసవిలో ప్రేక్షకుల ముందుకు తీసుకొచ్చే అవకాశముందని ప్రచారం వినిపిస్తోంది. దీనితో అటు కమల్ హాసన్ తో పాటు ఇటు రామ్ చరణ్ అభిమానుల్లో కూడా ఆనందం వెల్లివిరుస్తోంది. దీనికి కారణం శంకర్-రామ్ చరణ్ కాంబినేషన్ లో మరో భారీ బడ్జెట్ సినిమా ‘గేమ్ ఛేంజర్‌’ తెరకెక్కించడం.
ఇక ‘గేమ్ ఛేంజర్‌’పై ఫోకస్ పెట్టనున్న శంకర్ ?
గ్లోబల్ స్టార్ రామ్ చరణ్, పాన్ ఇండియా డైరెక్టర్ శంకర్ కాంబోలో శ్రీ వెంకటేశ్వర సినీ క్రియేషన్స్‌పై దిల్‌రాజు నిర్మిస్తున్న సినిమా ‘గేమ్ ఛేంజర్‌’. పొలిటికల్, యాక్షన్ థ్రిల్లర్ గా వస్తున్న ఈ సినిమాకు సంబంధించి దాదాపు 80% షూటింగ్ కంప్లీట్ అయింది. అయితే ఈ సినిమాకు సమాంతరంగా ‘భారతీయుడు 2(Bharateeyudu-2)’ షూటింగ్ కూడా జరుగుతుండంతో కాస్తా బ్రేక్ ఇచ్చారు. ఇప్పుడు ‘భారతీయుడు 2’ సినిమా షూటింగ్ పూర్తయినట్లు చిత్ర యూనిట్ ప్రకటించడంతో దర్శకుడు శంకర్ రేపటి నుండి ‘గేమ్ ఛేంజర్‌’పై ఫోకస్ పెట్టనున్నట్లు తెలుస్తోంది. త్వరలోనే ‘గేమ్ ఛేంజర్‌’ తదుపరి షెడ్యూల్ ను ప్రారంభించడానికి సన్నాహాలు చేస్తున్నట్లు తెలుస్తోంది. రామ్ చరణ్ ద్విపాత్రాభినయంలో కనిపించనున్న ఈ సినిమాలో కియారా అడ్వాణీ హీరోయిన్‌గా కనిపించనుండగా అంజలి, శ్రీకాంత్‌, సునీల్‌, ఎస్‌.జె.సూర్య, సముద్రఖని, నవీన్‌ చంద్ర తదితరులు కీలకపాత్రలు పోషిస్తున్నారు.
Also Read : Hero Prabhas: త్వరలో ప్రారంభం కానున్న ప్రభాస్ ‘స్పిరిట్‌’