Dhanush: 2002లో నటుడిగా కోలీవుడ్ లో ఎంట్రీ ఇచ్చిన ధనుష్… త్వరలో యాభై సినిమాలు పూర్తి చేసుకోబోతున్నాడు. తన యాభైవ సినిమాను స్వీయ దర్శకత్వంలో తెరకెక్కిస్తున్నట్లు గతంలో ప్రకటించారు. దీనితో ధనుష్ 50 సినిమా కోసం ఎంతో ఆశక్తిగా ఎదురూస్తున్న తన అభిమానులకు సర్ప్రైజ్ ఇచ్చారు ధనుష్(Dhanush). స్వీయ దర్శకత్వంలో రూపొందిస్తున్న తన యాభైవ సినిమాకు సంబంధించిన ఫస్ట్ లుక్ తో పాటు టైటిల్ ను అధికారికంగా ప్రకటించారు. తన 50వ ల్యాండ్‌మార్క్‌ సినిమాకి ‘రాయన్‌’ టైటిల్ పెట్టినట్లు తెలియజేస్తూ ఆనందం వ్యక్తంచేశారు. దీనితో ధనుష్ పెట్టిన పోస్టు నెట్టింట వైరల్ గా మారుతోంది.
Dhanush Movie Updates
కెప్టెన్ మిల్లర్ గా సంక్రాంతికి ప్రేక్షకుల ముందుకు వచ్చిన ధనుష్… ఆశించిన విజయాన్ని అందుకోలేనప్పటికీ వరుస సినిమాలపై దృష్టి పెట్టాడు. స్వీయ కథ, కథనం, దర్శకత్వంలో ఓ సినిమాను తెరకెక్కించబోతున్నట్లు ప్రకటించారు. దీనికి ‘రాయన్‌’ టైటిల్ ను ఖరారు చేయడంతో పాటు ఫస్ట్ లుక్ ను విడుదల చేసారు. ఆస్కార్ విన్నర్ ఎ. ఆర్‌. రెహమాన్‌ సంగీతం అందిస్తున్న ఈ సినిమాను తమిళం, తెలుగు, మలయాళ, కన్నడ భాషల్లో 2024లోనే విడుదల కానుంది. హీరోయిన్, ఇతర టెక్నీషియన్ల వివరాలు త్వరలోనే తెలియనున్నాయి. మరోవైపు శేఖర్‌ కమ్ముల దర్శకత్వంలో తెరకెక్కుతున్న తెలుగు సినిమాలో ధనుష్ నటిస్తున్నారు. ఇది ఆయనకు 51 సినిమా. ఇందులో ప్రముఖ నటుడు నాగార్జున కీలకపాత్ర పోషిస్తున్నారు. రష్మిక కథానాయిక.
Also Read : Record Break Trailer : కొత్త ఆలోచనలతో వస్తున్న ‘రికార్డు బ్రేక్’ సినిమా ..ట్రైలర్ రిలీజ్