Devara: మ్యాన్ ఆఫ్ మాసెస్ ఎన్టీఆర్ టైటిల్ పాత్రలో న‌టిస్తోన్న భారీ బ‌డ్జెట్ పాన్ ఇండియా మూవీ ‘దేవర(Devara)’. స్టైలిష్ డైరెక్టర్ కొర‌టాల శివ ద‌ర్శ‌క‌త్వంలో తెర‌కెక్కుతోన్న ఈ సినిమాలో ఎన్టీఆర్ సరసన బాలీవుడ్ బ్యూటీ జాన్వీ కపూర్ నటిస్తుండగా… ప్రతినాయక పాత్రలో బాలీవుడ్ స్టార్ హీరో సైఫ్ అలీఖాన్ నటిస్తున్నారు. నంద‌మూరి క‌ళ్యాణ్ రామ్ స‌మ‌ర్ప‌ణ‌లో సుధాకర్‌ మిక్కిలినేని, కొసరాజు హరికృష్ణ నిర్మాతలుగా ఎన్టీఆర్ ఆర్ట్స్‌ సంస్థ నిర్మిస్తున్న ఈ సినిమాలో ప్ర‌కాష్ రాజ్‌, శ్రీకాంత్‌, షైన్ టామ్ చాకో, న‌రైన్ కీలక పాత్ర‌ల‌ను పోషిస్తున్నారు. భారీ అంచనాల మధ్య సెప్టెంబర్‌ 27న ప్రపంచవ్యాప్తంగా ప్రేక్షకుల ముందుకురానుంది. ఇప్పటికే పాటలు, ట్రైలర్లతో పలు రికార్డులు సొంతం చేసుకున్న ఈ సినిమా… తాజాగా మరో ఘనతను తన ఖాతాలో వేసుకుంది.
ఓవర్సీస్‌ లో ప్రీసేల్‌ టికెట్‌ బుకింగ్స్‌ లో దీని హవా కొనసాగిస్తోంది. ఓవర్సీస్‌ లో ప్రీసేల్‌ బుకింగ్స్‌లో అత్యంత వేగంగా వన్‌ మిలియన్‌ డాలర్ల మార్క్‌ను చేరుకొని రికార్డును క్రియేట్‌ చేసిన ఈ యాక్షన్‌ డ్రామా… తాజాగా రెండు మిలియన్‌ డాలర్ల మార్క్‌ను చేరుకుంది. ఈ విషయాన్ని తెలుపుతూ నిర్మాణ సంస్థ ప్రత్యేక పోస్టర్‌ విడుదల చేసింది. రిలీజ్‌కు మరో మూడు రోజులు ఉండడంతో ఈ సంఖ్య మరింత పెరిగే అవకాశముందని అభిమానులు భావిస్తున్నారు.
Devara – ఆ ఊహాగానాలు నమ్మొద్దు – సినిమాటోగ్రాఫర్ రత్నవేలు
‘దేవర(Devara)’ విడుదల దగ్గరపడడంతో సినిమాకు సంబంధించిన పలు ఊహాగానాలు సోషల్‌ మీడియాలో ప్రచారమవుతున్నాయి. ఇటీవల దీని రిలీజ్‌ ట్రైలర్‌ విడుదలైన దగ్గరనుంచి ఇందులో ఎన్టీఆర్ ట్రిపుల్‌ రోల్‌లో కనిపించనున్నాడని జోరుగా ప్రచారం జరుగుతోంది. దీనిపై సినిమాటోగ్రాఫర్ స్పందించారు. ‘‘ఈ సినిమాపై చాలా ఊహాగానాలు షేర్‌ అవుతున్నాయి. రోజురోజుకూ అవి పెరుగుతున్నాయి. యూట్యూబ్‌ చానళ్ల గురించి మనకు తెలిసిందే. వాళ్లు ఏది కావాలంటే అది చెప్పగలరు. ఇందులో ఎన్టీఆర్ ట్రిపుల్‌ రోల్‌లో కనిపించడం లేదు. ఆయన ద్విపాత్రాభినయం చేస్తున్నారంతే. ఆయన తండ్రీకొడుకుల పాత్రలో నటిస్తున్నారా… అన్నదమ్ములా అనే విషయాన్ని నేను చెప్పను. మరో మూడు రోజుల్లో సినిమా విడుదలయ్యాక ఆ విషయం మీకే తెలుస్తుంది’ అని చెప్పారు.
ఇక ఈసినిమా ప్రమోషన్స్‌ కోసం ఎన్టీఆర్ అమెరికా వెళ్లారు. లాస్‌ ఏంజెలిస్‌లో జరగనున్న బియాండ్‌ ఫెస్ట్‌లో ఆయన పాల్గోనున్నారు. ఆ ఈవెంట్‌లో ప్రదర్శితం కానున్న తొలి భారతీయ చిత్రంగా ఎన్టీఆర్ ‘దేవర’ నిలిచిన సంగతి తెలిసిందే. చిత్రోత్సవాల్లో భాగంగా ఈనెల 26న అమెరికాలోని ప్రఖ్యాత ఈజిప్షియన్‌ థియేటర్‌లో ప్రీమియర్‌గా ‘దేవర’ను ప్రదర్శించనున్నారు. దీనికోసం ఎన్టీఆర్ ఇప్పటికే లాస్‌ ఏంజెలిస్‌ చేరుకున్నారు.
Also Read : Stree 2 : బాక్సాఫీస్ ను షేక్ చేస్తున్న శ్రద్ధా కపూర్ ‘స్త్రీ 2’