Chiranjeevi: ‘అర్జున్ రెడ్డి’ సినిమాతో టాలీవుడ్ బ్లాక్ బస్టర్ హిట్ కొట్టి…. అదే సినిమాను హిందీలో ‘కబీర్‌ సింగ్‌’ గా రీమేక్ చేసి లో బాలీవుడ్ టాప్ డైరెక్టర్ గా గుర్తింపు పొందిన దర్శకుడు సందీప్ రెడ్డి వంగా. రణ్ బీర్ కపూర్, రష్మిక మందన్నా హీరోహీరోయిన్లుగా బాబీ డియోల్, అనిక్ కపూర్ ప్రధాన పాత్రల్లో ఆయన తెరకెక్కించిన తాజా పాన్ ఇండియా సినిమా ‘యానిమల్‌’. డిసెంబరు 1న విడుదల అయిన ఈ సినిమా పాజిటివ్ టాక్ ను సంపాదించి ప్రపపం వ్యాప్తంగా వసూళ్ళ సునామీ సృష్టిస్తోంది. ఈ నేపథ్యంలో యూఎస్ వెళ్లిన దర్శకుడు సందీప్ వంగా… అక్కడి అభిమానులతో నిర్వహించిన చిట్ చాట్ లో పాల్గొన్నారు. ఈ సందర్భంగా మెగాస్టార్ చిరంజీవిపై దర్శకుడు సందీప్ వంగా చేసిన వ్యాఖ్యలు ఇప్పుడు సోషల్ మీడియాలో వైరల్ గా మారతున్నాయి.
Chiranjeevi – యుఎస్ లో అభిమానులతో సందీప్ వంగా చిట్ చాట్
‘యానిమల్‌’ సినిమా విజయం తరువాత యూఎస్ పర్యటకు వెళ్లిన దర్శకుడు సందీప్ వంగా… అక్కడి సినీ ప్రియులతో మాట్లాడుతూ… “మెగాస్టార్ చిరంజీవితో(Chiranjeevi) కలిసి పనిచేయాలని ఉందని… అవకాశం వస్తే ఆయనతో తప్పకుండా ఓ యాక్షన్ డ్రామా సినిమా తీస్తానని” వంగా తన మనసులోని మాటను బయటపెట్టారు. దీనితో దర్శకుడు సందీప్ వంగా చేసిన వ్యాఖ్యలు ఇప్పుడు నెట్టింట వైరల్ గా మారుతున్నాయి. ‘అర్జున్ రెడ్డి’, ‘కబీర్‌ సింగ్‌’, ‘యానిమల్‌’ వంటి బ్యాక్ టూ బ్యాక్ యాక్షన్ సినిమాలు తీసిన సందీప్ వంగాను… చిరంజీవితో ఊహించుకోవడం కష్టమని కొంతమంది నెటిజన్లు కామెంట్లు పెడుతున్నారు.
సినిమాను సినిమా లాగే చూసిన యూఎస్ ఆడియన్స్
ఈ సందర్భంగా యూఎస్ ఆడియన్స్‌ను ఉద్దేశిస్తూ… ‘‘ఇప్పటి వరకూ జరిగిన చర్చా కార్యక్రమంలో నాకు నచ్చిన విషయం ఏమిటంటే.. సినిమాకు సంబంధించి ఎన్నో విషయాల గురించి నన్ను అడిగారు. నా ఇష్టాయిష్టాలను అడిగి తెలుసుకున్నారు. కానీ, స్త్రీ ద్వేషంపై ఒక్కరు కూడా నన్ను ప్రశ్నించలేదు. ఎందుకంటే, ఇక్కడ ఉన్న వాళ్లందరూ సినిమాని సినిమాలాగే చూశారు. అందుకు నేను సంతోషంగా ఉన్నా’’ అని దర్శకుడు సందీప్ వంగా అన్నారు.
Also Read : Hero Ramcharan: రామ్ చరణ్‌కు మరో ఇంటర్నేషనల్ అవార్డ్