Call Me Bae: ఢిల్లీలోని సంపన్నుల కుటుంబంలో పెరిగిన బెల్లా చౌదరి… తన కలల నగరమైన ముంబయికి వచ్చి ఎలాంటి పాట్లు పడిందనే ఇతివృత్తంతో తెరకెక్కించిన తాజా బాలీవుడ్ వెబ్ సిరీస్ ‘కాల్‌ మీ బె(Call Me Bae)’. ఈ సిరీస్‌లో బెల్లా చౌదరిగా హిందీ యువ కథానాయిక అనన్య పాండే సందడి చేయనుంది. కొలిన్‌ డి కున్హా తెరకెక్కిస్తున్న ఈ వినోదాత్మక సిరీస్‌ని కరణ్‌ జోహార్‌ నిర్మిస్తున్నారు. తాజాగా ఈ సిరీస్ ట్రైలర్‌ని ఇన్‌ స్టా వేదికగా పంచుకుంది సిరీస్ బృందం. ‘ఈ దిల్లీ యువరాణి తనకిష్టమైన నగరంలో స్థానాన్ని సంపాదించుకుంటుందా ? ఆసక్తికరమైన బెల్లా కథను తెలుసుకునేందుకు సిద్ధంగా ఉండండి’ అంటూ వ్యాఖ్యల్ని జోడించింది.
Call Me Bae Movie…
ఇక ట్రైలర్ విషయానికి వస్తే… ‘నేను బంగారు చెంచాతో పుట్టాను. ఏడు కార్లు, ఒక ఛాపర్‌’ అంటూ తనను తాను పరిచయం చేసుకున్న అనన్య.. ముంబయి వెళ్లడం, ఉద్యోగం కోసం ఎన్నో కష్టాల్ని ఎదుర్కోవడం లాంటి సన్నివేశాలతో సాగుతోంది ట్రైలర్. ఆద్యంతం నవ్వులు పంచుతూ అనన్య చేసిన సందడి ఆకట్టుకుంటోంది. ఈ వెబ్ సిరీస్ సెప్టెంబరు 6న అమెజాన్‌ ప్రైమ్‌ లో విడుదల కానుంది. ఎనిమిది భాగాలుగా అభిమానుల ముందుకు రానున్న ఈ ప్రాజెక్టులో వీర్‌దాస్, వరుణ్‌ సూద్‌ తదితరులు కీలక పాత్రలు పోషిస్తున్నారు.
‘లైగర్’ సినిమాతో తెలుగు ప్రేక్షకులకు దగ్గరైన బాలీవుడ్ యువ కథానాయిక అనన్య పాండే. ఆమె హిందీ సినిమా నటుడు చుంకీ పాండే కూతురు, శరద్ పాండే మనుమరాలు. స్టూడెంట్ ఆఫ్ ది ఇయర్ తో బాలీవుడ్ లో ఎంట్రీ ఇచ్చిన ఈ బ్యూటీ… ప్రముఖ దర్శకుడు పూరి జగన్నాథ్ దర్శకత్వంలో విజయ్ దేవరకొండ ప్రధాన పాత్రలో తెరకెక్కించిన లైగర్ తో తెలుగు ప్రేక్షకులకు కూడా దగ్గరయ్యారు.
Also Read : Mimi Chakraborty: కోల్‌ కతా బాధితురాలికి సపోర్ట్ చేసిన హీరోయిన్ కి బెదిరింపులు !