Bade Miyan Chote Miyan: భారతీయ చలన చిత్ర పరిశ్రమలో యాక్షన్ సినిమాల హవా కొనసాగుతోంది. టాలీవుడ్ నుండి బాలీవుడ్ వరకు స్టార్ హీరోలంతా కళ్లు చెదిరే యాక్షన్ సీక్వెన్స్‌ లతో సినీప్రియులను ఆకట్టుకుంటున్నారు. ఈ నేపథ్యంలోనే యానిమల్, సలార్, ఫైటర్, టైగర్ 3, జవాన్ వంటి సినిమాలు యాక్షన్ సినిమాలు కలెక్షన్ల పరంగా పరంగా సత్తా చాటాయి. దీనితో ‘బడేమియా ఛోటేమియా’ సినిమాతో తమదైన శైలిలో యాక్షన్ ప్రియులకు ట్రీట్ ఇవ్వడానికి సిద్ధమవుతున్నారు బాలీవుడ్ స్టార్ హీరోలు అక్షయ్ కుమార్, టైగర్ ష్రాఫ్. అలీ అబ్బాస్ జాఫర్ తెరకెక్కిస్తున్న ఈ సినిమాకు సంబంధించి ఇటీవల విడుదలైన టీజర్, పోస్టర్స్ కు మంచి స్పందన వచ్చింది. ఈ నేపథ్యంలో ఈ యాక్షన్ సినిమాకు సంబంధించిన ఇంట్రెస్టింగ్ అప్ డేట్ ఇచ్చింది చిత్ర యూనిట్.
Bade Miyan Chote Miyan Viral
అలీ అబ్బాస్ జాఫర్ తెరకెక్కిస్తున్న ‘బడేమియా ఛోటేమియా’ సినిమాకు సంబంధించిన టైటిల్ ట్రాక్ ను ఈ నెల 19న విడుదల చేస్తున్నట్లు చిత్ర యూనిట్ ప్రకటించింది. దీనికి సంబంధించి అక్షయ్ కుమార్, టైగర్ ష్రాఫ్(Tiger Shroof) కలిసి ఉన్న ఓ ఆశక్తికరమైన పోస్టర్ ను తమ అఫీషియల్ సోషల్ మీడియాలో పోస్ట్ చేసాడు హీరో అక్షయ్ కుమార్. “బడే కా స్వాగ్‌… ఛోటే కా స్టైల్‌” ఫిబ్రవరి 19న టైటిల్ ట్రాక్ వస్తోంది’ అని పోస్టర్ క్రింద కామెంట్ పెట్టారు అక్షయ్. అక్షయ్, టైగర్ ఇద్దరూ స్టైలిష్‌ లుక్‌ లో నడుచుకుంటూ కనిపిస్తున్న ఈ పోస్టర్ సినిమాపై అంచనాలను పెంచుతోంది. మానుషి చిల్లర్‌, దిశా పటానీ, పృథ్వీరాజ్‌ సుకుమారన్‌ తదితరులు నటిస్తున్న ఈ సినిమాను ఏప్రిల్‌ 10న విడుదల చేయడానికి చిత్ర యూనిట్ సన్నాహాలు చేస్తుంది. ఈ నేపథ్యంలో అక్షయ్ కుమార్ పోస్ట్ చేసిన “బడే కా స్వాగ్‌… ఛోటే కా స్టైల్‌” పోస్టర్ నెట్టింట వైరల్ గా మారుతోంది.
Also Read : Anushka Shetty: ‘శీలవతి’ గా అనుష్క శెట్టి ?