భారీ మల్టీస్టారర్‌ కు సిద్ధమవుతున్న అట్లీ
Atlee : రొమాంటిక్ కామెడీ లవ్ స్టోరీ ‘రాజా రాణి’తో దర్శకుడిగా పరిచయం అయి… దళపతి విజయ్ తో హ్యాట్రిక్ హిట్లు సాధించి… షారూక్ ఖాన్ ‘జవాన్’తో ప్రపంచ వ్యాప్తంగా ప్రేక్షకులను ఆకట్టుకున్నా దర్శకుడు అట్లీ త్వరలో భారీ మల్టీ స్టారర్ సినిమాకు సిద్ధమవుతున్నారు. భారతీయ చలన చిత్ర పరిశ్రమలోనే అత్యధిక వసూళ్ళు సుమారు 3000 కోట్ల రూపాయలు వసూలు చేసే సినిమాగా ఈ మల్టీ స్టారర్ ను డైరెక్ట్ చేయబోతున్నట్లు ఆయనే స్వయంగా ప్రకటించారు. ఈ సినిమాలో తనకు డైరెక్టర్ గా మూడు అవకాశాలు ఇచ్చిన దళపతి విజయ్… ‘జవాన్’ తో బాలీవుడ్ కి పరిచంయ చేసిన షారూక్ ఖాన్ లను హీరోలుగా స్క్రిప్ట్ సిద్ధం చేస్తున్నట్లు ఆయన స్పష్టం చేసారు. ‘జవాన్’ సూపర్ హిట్ తో ఆనందంలో మునిగి తేలుతున్న అట్లీ(Atlee) ఇటీవల ఓ ఛానెల్ కు ఇచ్చిన ఇంటర్వూలో తన తరువాత ప్రాజెక్టుల గురించి కీలక వ్యాఖ్యలు చేసారు.
Atlee – అట్లీతో సినిమాకు ఓకే చెప్పిన దళపతి-కింగ్ ఖాన్
ఇటీవల ఓ పార్టీలో కలుసుకున్న దళపతి విజయ్, కింగ్ ఖాన్ షారూక్ కలిసి మాట్లాడుకుని అట్లీకు(Atlee) ఫోన్ చేసారు. మల్టీ స్టారర్ తీసే అలోచన ఉంటే అందులో నటించడానికి తాము సిద్ధమని ఇద్దరు కలిసి అట్లీకు చెప్పారట. దీనితో రంగంలోనికి దిగిన అట్లీ ఈ మల్టీస్టారర్‌ సినిమాకు సంబంధించిన స్క్రిప్ట్ వర్క్‌లో బిజీగా ఉన్నట్లు ఇంటర్వూలో తెలిపారు. ఈ సినిమాలో ఎవరు ముఖ్యమంటే చెప్పలేమని… స్క్రిప్ట్ అంతబాగా వచ్చిందని… అందుకే ఈ సినిమా 3000 కోట్ల వసూలు చేస్తుందంటూ స్పష్టం చేసారు. తన తరువాత సినిమా ఇదేనని కూడా ఆయన కుండబద్దలు కొట్టారు. అంతేకాదు ఓ సినిమా తీయాలంటూ ఓ ప్రముఖ హాలీవుడ్‌ స్టూడియో తనను సంప్రదించారని… ప్రస్తుతం ఆ సినిమాకు సంబంధించిన పనులు కూడా మొదలుపెట్టినట్లు తెలిపారు. చివరిగా ఈరోజు నేను ఈస్థాయిలో ఉండడానికి విజయ్ మొదటి కారణం. నాపై నమ్మకంతో అవకాశాలిచ్చారు’’ అని అట్లీ చెప్పారు.
ఎవరీ అట్లీ
ప్రముఖ దర్శకుడు ఎస్ శంకర్ వద్ద ఎంథిరన్, నన్భన్ చిత్రాలకు సహాయ దర్శకుడి గా చేస్తూ తన సినీ జీవితం ప్రారంభించిన అట్లీ అలియాస్ అట్లీ కుమార్ అలియాస్ అరుణ్ కుమార్… రాజా రాణి సినిమాతో పూర్తి స్థాయి డైరెక్టర్ గా పరిచయం అయ్యారు. ఫాక్స్ స్టార్ స్టూడియోస్ ఏఆర్ మురుగదాస్ సంయుక్తంగా నిర్మించిన ఈ సినిమా విడుదల అయిన నాలుగు వారాల్లోనే 500 మిలియన్లకు పైగా వసూలు చేసి రికార్డు సృష్టించింది. అనతి కాలంలోనే ప్రముఖ హీరో దళపతి విజయ్ తో తేరి , మెర్సల్, బిగిల్ వరుసగా మూడు చిత్రాలు చేసి హ్యాట్రిక్ విజయం సాధించాడు. తరువాత బాలీవుడ్ బాద్ షా షారుఖ్ ఖాన్ తో పాన్ ఇండియా సినిమా జవాన్ కు దర్శకత్వం వహించి ఇండియాలో టాప్ డైరక్టర్స్ సరసన చేరాడు.
Also Read : Muttiah Muralitharan: ఓటీటీలోకి ‘800’ సినిమా