Ashika Ranganath: ప్రముఖ కొరియోగ్రాఫర్ విజయ్ బిన్ని దర్శకత్వంలో కింగ్ నాగార్జున హీరోగా తెరకెక్కిస్తున్న తాజా చిత్రం ‘నా సామిరంగ’. శ్రీనివాస సిల్వర్ స్క్రీన్‌ బ్యానర్‌పై శ్రీనివాసా చిట్టూరి నిర్మిస్తున్నఈ సినిమా ఎంఎం కీరవాణి సంగీతం అందిస్తున్నారు. ఈ సినిమాకు సంబంధించి ఇప్పటికే విడుదల చేసిన టైటిల్, ఫస్ట్ లుక్, టైటిల్ గ్లింప్స్‌ వీడియో నెట్టింట హల్ చల్ చేస్తూ… సినిమాపై అంచనాలు పెంచుతున్నాయి.
అయితే కింగ్ నాగార్జున సరసన నటించబోయే హీరోయిన్ ఎవరు అనే చర్చ కొనసాగుతున్న తరుణంలో చిత్ర యూనిట్ అదిరిపోయే సర్ ప్రైజ్ ఇచ్చింది. కళ్యాణ్ రామ్ తో ‘అమిగోస్’ సినిమాలో నటించిన ఆషికా రంగనాథ్‌ ను హీరోయిన్ గా ఎంపిక చేయడంతో పాటు ఆమె ఫస్ట్ లుక్ ను విడుదల చేసింది.
Ashika Ranganath – వరలక్ష్మి పాత్రలో ఆషికా రంగనాథ్‌
‘నా సామిరంగ’ సినిమాలో నాగార్జున ఫుల్‌ మాస్‌ పాత్రలో కనిపించనున్నట్టు సమాచారం. దీనితో కింగ్ నాగార్జున సరసన వరలక్ష్మి పాత్రలో ఆషికా రంగనాథ్‌ ను చిత్ర యూనిట్ ఎంపిక చేసింది. వరలక్ష్మి పాత్రకు సంబంధించిన ఫస్ట్ లుక్ ను నాగార్జున్ హోస్ట్ చేస్తున్న బిగ్ బాస్ రియాలిటీ షో వేదికగా విడుదల చేసారు. అచ్చ తెలుగు అమ్మాయిలా లంగావోణిలో వరలక్ష్మిగా క్యూట్‌గా కనిపిస్తూ మెస్మరైజ్‌ చేస్తోంది ఆషికా రంగనాథ్‌(Ashika Ranganath). నాగ్ తన ప్రేయసి అందాన్ని ఆస్వాదిస్తుండటం గ్లింప్స్‌లో స్పెషల్ ఎట్రాక్షన్ దీనితో వరలక్ష్మి ఫస్ట్ లుక్ ఇప్పుడు సోషల్ మీడియాలో వైరల్ గా మారుతోంది.
ఏడేళ్ళుగా సరైన హిట్ కోసం ఎదురుచూస్తున్న కింగ్ నాగ్
ఏడేళ్ళ క్రితం వచ్చిన ‘సోగ్గాడే చిన్ని నాయన’ తరువాత బంగార్రాజు ఫరవాలేదు అనిపించినా సరైన హిట్ కొట్టలేకపోయాడు కింగ్ నాగార్జున. అయితే బిగ్ బాస్ రియాలిటీ షోతో కాలం వెళ్ళదీస్తున్నాడు. ఈ నేపథ్యంలో ‘నా సామిరంగ’ పై నాగార్జున భారీగా ఆశలు పెట్టుకున్నారు. ప్రస్తుతం ఈ సినిమా షూటింగ్‌ శరవేగంగా జరుగుతోంది.
Also Read : Hero Yash: డిసెంబరు 8న సర్ ప్రైజ్ ఇస్తానంటున్న కేజిఎఫ్ హీరో యశ్