Anil Ravipudi: ఈవీవీ సత్యనారాయణ తరువాత తన సినిమాలల్లో కామెడీకు అధిక ప్రాధాన్యమిచ్చే యువ దర్శకుడు అనిల్ రావిపూడి. విక్టరీ వెంకటేష్, వరుణ్ తేజ్, తమన్నా భాటియా, మెహ్రీన్ పీర్జాడ, ప్రధాన పాత్రల్లో అనిల్ రావిపూడి దర్శకత్వంలో తెరకెక్కించిన ‘ఎఫ్ 2’, ‘ఎఫ్ 3’ సినిమాలు బాక్సాఫీసు ముందు కలెక్షన్ల వర్షం కురిపించాయి. ఫన్‌.. ఫ్రస్ట్రేషన్ అంటూ ‘ఎఫ్2’, ‘ఎఫ్3’లతో కడుపుబ్బా నవ్వించారు హీరోలు వెంకటేశ్‌, వరుణ్ తేజ్. ఈ నేపథ్యంలో ఈ సూపర్ హిట్ ఫ్రాంచైజీలో ‘ఎఫ్ 4’ తెరకెక్కించడానికి సన్నాహాలు జరుగుతున్నాయి.
Anil Ravipudi New Movie
తొలుత అనిల్ రావిపూడి ‘ఎఫ్2’ను చిత్రాన్ని రూపొందించారు. ఆ చిత్రం ఘన విజయాన్ని సాధించి రూ.100 కోట్ల క్లబ్‌లో చేరడంతో దానికి ఫ్రాంచైజీగా ‘ఎఫ్3’ని తెరకెక్కించారు. ఇందులో వెంకీ, వరుణ్‌లకు తోడు సునీల్‌ కూడా చక్కని కామెడీ పంచారు. వీరికి తోడు తమన్నా, మెహరీన్ గ్లామర్‌ తోడై రెండో పార్ట్‌ కూడా సూపర్ హిట్‌గా నిలిచింది. ఈ సినిమా సక్సెస్‌ మీట్‌లో చిత్ర నిర్మాత దిల్‌రాజు ఈ ఫన్‌ ఫ్రాంచైజీని ఇలాగే ముందుకు తీసుకెళ్తామని చెప్పడంతో ‘ఎఫ్4’ కూడా ఉంటుందని అభిమానులు అంచనాకు వచ్చారు.
తద్వారా ఈ చిత్రంపై మరింత ఆసక్తి పెరిగింది. ప్రస్తుతం ఈ చిత్రానికి సంబంధించిన వార్త సోషల్‌ మీడియాలో వైరల్ అవుతోంది. త్వరలోనే ఈ చిత్రం పట్టాలెక్కనున్నట్లు తెలుస్తోంది. సినిమా విడుదల సమయంలో అనిల్ రావిపూడి(Anil Ravipudi) ఓ విషయం చెప్పారు. ఇందులో వెంకీ, వరుణ్‌తేజ్‌లతోపాటు మరో స్టార్‌ హీరో ఉంటారని స్పషం చేశారు. హీరోయిన్స్ లో కూడా మార్పు ఉంటుందని చెప్పారు. ‘ఎఫ్ 3’ తర్వాత బాలకృష్ణ తో ‘భగవంత్ కేసరి’ చిత్రం చేసిన అనిల్ రావిపూడి ప్రస్తుతం వెంకటేశ్‌ తో ఓ సినిమా చేస్తున్నారు. సంక్రాంతికి ఈ చిత్రాన్ని ప్రేక్షకుల ముందుకు తీసుకురావాలని ప్లాన్ చేస్తున్నారు. ఆ తర్వాత ‘ఎఫ్4’ మొదలుపెడతారని తెలిసింస్తోంది.
Also Read : Kalki 2898 AD Updates : కల్కి సినిమాపై రోజురోజుకు అంచనాలు పెంచేస్తున్న డైరెక్టర్