Allu Arjun : ‘పుష్ప-2’ లో ఐటెం సాంగ్, అందులో హీరోయిన్‌ ఎవరనే విషయంపై కొద్ది రోజులుగా చర్చ నడుస్తూనే ఉంది. ఇప్పటికే టాలీవుడ్‌, బాలీవుడ్‌తో కలిపి చాలామంది హీరోయిన్ల పేర్లే వినిపిస్తున్నాయి. తాజాగా ‘పుష్ప 2’కు సంబంధించిన ఓ వార్త నెట్టింట వైరల్‌గా మారింది. ఈ ప్రాజెక్ట్‌లో శ్రీలీల భాగం కానుందనే వార్త వైరల్‌ అవుతోంది. ‘పుష్ప ది రైజ్‌’లోని ‘ఊ అంటావా మావ’ గురించి ప్రత్యేకంగా చెప్పాల్సిన అవసరం లేదు. అల్లు అర్జున్‌(Allu Arjun) , సమంత స్టెప్పులు ఎంతగా ఆకట్టుకున్నాయె తెలిసిందే. ఇందులో కూడా అదే స్థాయిలో ఓ సాంగ్ ఉంటుందని చిత్ర బృందం ఇప్పటికే ప్రకటించింది. బాలీవుడ్‌ నటి శ్రద్థాకపూర్‌తోపాటు పలువురు పేర్లు వినిపించాయి. శ్రద్ధాకపూర్‌ డేట్స్‌ వర్కవుట్‌ కాకపోవడంతో ఆ స్థానంలో శ్రీలీల వచ్చి చేరిందని టాక్‌ నడుస్తోంది.
Allu Arjun-Sree Leela Item Song
ఈ నెల 4 నుంచి సాంగ్ షూటింగ్‌కు వెళ్లాల్సి ఉంది. సమయం తక్కువ ఉండటం, మరో ఆప్షన్‌ లేక శ్రీలీలను సంప్రదించారని తెలిసింది. దీనిపై నెటిజన్లు స్పందిస్తున్నారు. బన్నీ, శ్రీలీలా ఇద్దరూ సూపర్‌ డాన్సర్సే. కాబట్టి ఈసారి థియేటర్లు దద్దరిల్లి పోవడం పక్కా అనుకుంటున్నారు. ఇప్పటికే బన్నీ, శ్రీలీల ఓ యాడ్‌ చేసి అలరించారు. సుకుమార్‌ దర్శకత్వం వహిస్తున్న ఈ చిత్రంలో రష్మిక మందన్నా కథానాయిక. దేవిశ్రీ ప్రసాద్‌ సంగీతం అందిస్తున్నారు. మైత్రీ మూవీ మేకర్స్ పతాకంపె నిర్మితమవుతోంది. డిసెంబర్‌ 5న ప్రపంచవ్యాప్తంగా విడుదల చేయనున్నారు.
Also Read : Deepika Padukone : మొదటి సారి తన కూతురి పేరు రెవీల్ చేసిన దీపికా పాడుకొణె